Псалтыр 80 псалом
Псалтыр
Пераклад Антонія Бокуна → Пераклад Чарняўскага 2017
Кіраўніку хору: на лад: “Лілея сьведчаньня”. Псальм Асафа.
Кіраўніку хору. Паводле «Лілея навучання». Асафа. Псальм.
Пастыру Ізраіля, прыхілі вуха! Ты, Які, як авечкі, водзіш Язэпа, Які на херувімах сядаеш, зазьзяй!
Ты, што пасвіш Ізраэля, зважай! Ты, што вядзеш, бы авечку, род Язэпа; Ты, што сядзіш на херубіне,
Перад абліччам Эфраіма, і Бэн’яміна, і Манасы абудзі магутнасьць Тваю і прыйдзі збавіць нас!
заззяй перад Эфраімам, Бэньямінам, Манасам. Узруш сілу Тваю і прыйдзі, каб збавіць нас.
Божа, вярні нас назад. Асьвяці нас абліччам Тваім, і будзем збаўленыя!
Божа, навярні нас, прасвятлі аблічча Тваё, і мы будзем збаўлены.
ГОСПАДЗЕ, Божа Магуцьцяў, дакуль Ты будзеш у гневе пры малітве народу Твайго?
Госпадзе Божа магуццяў, як доўга будзеш гневацца на малітву народа Твайго?
Ты накарміў іх хлебам сьлёзаў і шчодра сьлязьмі напаіў іх.
Накарміў Ты нас хлебам слёз і напаіў нас багата слязамі.
Ты паставіў нас як [костку] нязгоды дзеля суседзяў нашых, і ворагі нашыя кпяць з нас.
Зрабіў Ты нас прадметам спрэчак суседзяў нашых, і ворагі нашыя кпілі з нас.
Божа Магуцьцяў, вярні нас назад. Асьвяці нас абліччам Тваім, і будзем збаўленыя!
Божа магуццяў, навярні нас, прасвятлі аблічча Тваё, і мы будзем збаўлены.
Ты вінаградную лазу вынес з Эгіпту, выгнаў народы і яе пасадзіў.
Перанёс Ты вінаград з Егіпта, выгнаў паганаў, а яго пасадзіў.
Ты расчысьціў [месца] перад абліччам яе, і ўкараніў карані ейныя, і яна напоўніла зямлю.
Ты ачысціў для яго месца, укараніў яго і ён напоўніў зямлю.
Горы пакрыліся ценем яе, і вецьце яе — як кедры Божыя.
Пакрыліся горы ценем яго, а галінамі яго — кедры Божыя.
Яна пусьціла галіны свае аж да мора, і парасткі свае — да ракі.
Працягнуў ён парасткі свае аж да мора, і аж да ракі — атожылкі свае.
Чаму Ты раскідаў агароджу ейную, і кожны, хто ідзе дарогаю, абрывае яе?
Чаму ж разбурыў Ты агароджу яго, і абіраюць яго ўсе, што міма ідуць дарогай?
Дзік лясны падкопвае яе, і зьвер палявы пасьвіцца ў ёй.
Падкапаў яго дзік з лесу, і адзінокі звер пааб’ядаў яго.
Божа Магуцьцяў, павярніся [да нас], зірні з неба, і паглядзі, і наведай вінаградную лазу гэтую!
Божа магуццяў, навярніся, глянь з неба і пабач, і наведай гэты вінаграднік.
Захавай тое, што правіца Твая пасадзіла, і парасткі, якія Ты для Сябе ўмацаваў.
І заапякуйся тым, што насадзіла Твая правіца, і над сынам чалавечым, якога Ты ўмацаваў для Сябе.
Яны спалены агнём і пасечаны, і гінуць ад гневу аблічча Твайго.
Яго спалілі агнём і перакапалі; ад вымовы Тваёй яны загінуць.
Няхай рука Твая будзе над мужам правіцы Тваёй, над сынам чалавечым, якога Ты ўмацаваў для Сябе!
Хай будзе рука Твая над чалавекам правіцы Тваёй, над сынам чалавечым, якога Ты ўмацаваў для Сябе.
А мы не адступімся ад Цябе; ажыві нас, і мы будзем клікаць імя Тваё.
Ужо больш не адступімся ад Цябе, Ты ажывіш нас, і імю Твайму будзем усклікаць.
ГОСПАДЗЕ, Божа Магуцьцяў, вярні нас назад. Асьвяці нас абліччам Тваім, і будзем збаўленыя!
Госпадзе, Божа магуццяў, навярні нас і акажы нам спагаднасць, і будзем збаўлены.