Псалтыр 82 псалом
Псалтыр
Пераклад Антонія Бокуна → Пераклад Чарняўскага 2017
Псальм Асафа. Бог стаіць на сходзе багоў, сярод багоў Ён судзіць:
Псальм. Асафа. Бог падымаецца на божым сходзе, пасярод багоў праводзіць суд.
«Дакуль будзеце судзіць беззаконна і ўздымаць абліччы бязбожнікаў? (Сэлях)
«Дакуль будзеце судзіць несправядліва і прымаць аблічча грэшнікаў?
Судзіце беднага і сірату; убогага і бедака апраўдайце.
Справядліва судзіце няшчаснага і сірату, апраўдвайце прыгнечанага і беднага.
Ратуйце беднага і гаротнага, з рукі бязбожнікаў вызваляйце!»
Вырывайце беднага і вызваляйце няшчаснага з рукі грэшніка».
Нічога ня ведаюць і не разумеюць, і ў цемры ходзяць; і захісталіся ўсе падваліны зямлі!
Яны не ведаюць, не разумеюць, ходзяць у цемры; захістаюцца ўсе асновы зямныя.
Я сказаў: «Вы — богі, усе вы — сыны Найвышэйшага,
Я сказаў: «Вы ўсе — багі і сыны Узвышняга».
аднак, вы памрацё, як людзі, упадзеце, як адзін з князёў».
Але ж вы памраце, як людзі, і прыйдзеце ў заняпад, як адзін з князёў.
Паўстань, Божа, судзі зямлю, бо Ты возьмеш у спадчыну ўсе народы.
Паўстань, Божа, судзі зямлю, бо Ты маеш права над усімі народамі.
