Псалтыр 23 псалом

Псалтыр 23 псалом

Псалтыр
Пераклад Антонія Бокуна → Пераклад Чарняўскага 2017

Псальм Давіда. ГОСПАД ёсьць Пастыр мой, ні ў чым ня буду мець нястачы!

Псальм Давідаў. Госпад — Пастыр мой, і нічога мне не бракуе.

На пашах зялёных Ён пасьвіць мяне, да водаў спакойных накіроўвае мяне.

На пашах зялёных Ён мяне ўладкаваў, па-над воды супачыну прывёў Ён мяне.

Ён аднаўляе душу маю, на сьцежкі праведнасьці вядзе мяне дзеля імя Свайго.

Падмацаваў душу маю, вывеў мяне на шлях справядлівасці дзеля імя Свайго.

Нават калі буду ісьці далінаю ценю сьмерці, ня буду баяцца ліха, бо Ты — са мною, кій Твой і падпора Твая, яны пацяшаюць мяне.

Бо калі буду ісці і лагчынаю ценю смерці, не збаюся ліха, бо Ты са мною. Жазло Тваё і кій Твой — толькі яны мяне суцяшаюць.

Ты накрываеш перад абліччам маім стол насуперак тым, якія ўціскаюць мяне; галаву маю Ты памазаў алеем, і келіх мой да верху наліты.

Ты накрыў перада мною стол насуперак тым, што ўціскаюць мяне; намасціў алейкам галаву маю, і келіх мой поўны з вярхом.

Толькі добрасьць і міласэрнасьць Твая будуць ісьці са мною ўсе дні жыцьця майго; і ў Доме ГОСПАДА буду жыць доўгія дні.

Спагаднасць і міласэрнасць будуць крочыць за мною следам, і пасялюся я ў доме Госпада на доўгія дні.

Біблія