Псалтыр 8 псалом
Псалтыр
Пераклад Антонія Бокуна → Пераклад Чарняўскага 2017
Кіраўніку хору: на лад Гітыт. Псальм Давіда.
Кіраўніку хору. На мелодыю песні “Выціскальні...” Псальм Давідаў.
ГОСПАДЗЕ, Госпадзе наш! Якое слаўнае імя Тваё па ўсёй зямлі! Слава Твая ўзьнесеная па-над нябёсы!
Госпадзе, Госпад наш, якое ж дзівоснае імя Тваё па ўсёй зямлі, бо слава Твая ўзнялася вышэй нябёсаў.
З вуснаў немаўлятаў і тых, што пры грудзях, Ты зрабіў умацаваньне супраць ненавісьнікаў Тваіх, каб спыніць ворага і мсьціўцу.
Праз вусны дзяцей і немаўлят учыніў Ты хвалу дзеля ворагаў Тваіх, каб утаймаваць ворага і мсціўцу.
Калі я гляджу на неба Тваё, твор пальцаў Тваіх, на месяц і на зоркі, якія Ты паставіў,
Калі бачу нябёсы Твае, твор пальцаў Тваіх, месяц і зоркі, якія Ты заснаваў, —
я думаю: «Што ёсьць чалавек, што Ты памятаеш пра яго, і сын чалавечы, што Ты наведваеш яго?
то што ж ёсць чалавек, што Ты памятаеш пра яго, або сын чалавечы, што Ты адведваеш яго?
Не нашмат Ты паменшыў яго перад багамі, і славай і веліччу Ты ўкаранаваў яго,
Мала панізіў Ты яго за анёлаў, славаю і пашанаю ўвянчаў яго,
і даў яму панаваць над творамі рук Тваіх, і ўсё Ты паклаў пад ногі яму:
і паставіў яго над стварэннямі рук Тваіх, і ўсё Ты кінуў пад ногі яго, —
авечак і валоў усіх, і зьвяроў палявых,
авечак і быкоў усіх, і ў дадатак звяроў палявых,
птушак у небе, і рыбаў у моры, і ўсё, што ходзіць сьцежкамі марскімі».
птушак нябесных ды рыб марскіх, і ўсё, што ходзіць па шляхах марскіх.
ГОСПАДЗЕ, Госпадзе наш! Якое слаўнае імя Тваё па ўсёй зямлі!
Госпадзе, Госпад наш, якое ж дзівоснае імя Тваё па ўсёй зямлі!