Псалтыр 129 псалом

Псалтыр
Пераклад Л. Дзекуць-Малея → Пераклад Чарняўскага 2017

 
 

Песьня ўзыходжаньня.Шмат уціскалі мяне з маладосьці маёй, — няхай скажа Ізраіль! —
 
Песня ўзыходжання. Часта нападалі на мяне з маладосці маёй; хай кажа цяпер Ізраэль,

шмат уціскалі мяне з маладосьці маёй, ды мяне не асілілі.
 
часта нападалі на мяне з маладосці маёй, але не перамаглі мяне.

На хрыбце на маім гаралі яны, даўгія барозны свае праганяючы,
 
На маёй спіне аратаі аралі, праклалі яны доўгія барозны свае.

ды Госпад справядлівы: Ён рассек вяроўкі бязбожнікаў.
 
Справядлівы ж Госпад разбіў каркі грэшнікаў.

Няхай асаромлены будуць і адступяцца назад усе тыя, што ненавідзяць Сыон!
 
Хай пасаромяцца і абернуцца назад ўсе тыя, што ненавідзяць Сіён.

І будуць яны, як трава на страсе, што перш засыхае, чым вырвуць яе,
 
Хай стануцца яны падобныя да травы на страсе, якая высахла раней, чым яе вырвуць,

якой жнёц не напоўніць жмені сваёй, а вязальнік снапоў — прыгоршчаў.
 
не напоўніць ёю рукі сваёй касец, ані пазухі той, хто збірае снапы.

І, міма праходзячы, ня скажа ніхто: Багаслаўленьне Гасподняе няхай будзе над вамі! Багаслаўляем вас імем Гасподнім!
 
І не скажуць праходзячыя міма: «Дабраславенне Госпада вам! Дабраслаўляем вас у імя Госпада!»