Псалтыр 63 псалом

Псалтыр
Пераклад Л. Дзекуць-Малея → Пераклад Чарняўскага 2017

 
 

Псальм Давіда, калі ён быў у пушчы Юдэйскай.
 
Псальм Давідаў. Калі быў ён у пустыні Юдэйскай.

Божа! Ты — Бог мой! Цябе я шукаю ад самае раніцы!
 
Божа, Ты — мой Бог, перад Табою я чуваю ад світання. Сасмягла па Табе душа мая, Цябе запатрабавала цела маё ў зямлі пустыннай, ссохлай і бязводнай.

Цябе душа мая прагне, па Табс тужыць цела ў пустой, сухой і бязводнай зямлі,
 
У святыні адкрыў я Цябе, каб убачыць магуцце Тваё і славу Тваю.

каб сілу і славу ўбачыць Тваю, што я бачыў у Сьвятыні Тваёй.
 
Бо міласэрнасць Твая лепшая за жыццё. Вусны мае будуць хваліць Цябе.

Бо ласка Твая — ляпей за жыцьцё; вусны мае хваліць Цябе будуць.
 
У жыцці маім дабраслаўляю Цябе, у імя Тваё падымаю я рукі мае.

Гэтак буду я славіць Цябе за жыцьцё маё, у імя Тваё рукі мае узьнімаць.
 
Быццам тукам і маслам алівы, насыціцца душа мая, і голасам радасці хваліць будуць вусны мае.

Быццам шпікам і тукам сыцее душа мая, і радасным сьпевам Цябе славяць вусны мае,
 
Буду помніць я Цябе на пасцелі маёй, і на золку буду разважаць пра Цябе.

калі я на ложку маім аб Табе ўспамінаю, калі ў час чуваньня начнога аб Табе разважаю.
 
бо Ты — Успаможца мой, і пад покрывам крылаў Тваіх я радуюся.

Бо Ты мне быў успамогай, і ў цяню Твайго крыльля сьпяваю ад радасьці.
 
Прытулілася да Цябе душа мая, правіца Твая падтрымлівае мяне.

Душа мая к Табе прыляпілася, правіца Твая мне дае падтрыманьне.
 
А тыя, што будуць шукаць пагібелі для душы маёй, сыдуць у апраметныя зямлі,

Тыя-ж, што загубы душы маёй шукаюць, у глыбіні зямлі яны зыйдуць:
 
хай загінуць яны ад мяча, пажывай лісаў будуць.

мячом яны будуць пабіты і будуць дабычай шакаляў.
 
А цар узвесяліцца ў Богу; праслаўлены будуць усе, хто прысягнуў Яму, бо закрыліся вусны тых, хто прамаўляе несправядліва.

А цар узрадуецца ў Богу; і кожны будзе хваліцца, што Ім прысягае; а вусны брахлівых будуць заткнёны.