Псалтыр 136 псалом
Псалтыр
Пераклад Л. Дзекуць-Малея → Пераклад Чарняўскага 2017
Слаўце Госпада, бо Ён добры, бо навекі ласка Яго!
Алілуя. Вызнавайце Госпада, бо Ён добры, бо Яго міласэрнасць вечная.
Слаўце Бога багоў, бо навекі ласка Яго!
Вызнавайце Бога над багамі, бо Яго міласэрнасць вечная.
Слаўце Гаспадара над гаспадарамі, бо навекі ласка Яго!
Вызнавайце Госпада над валадарамі, бо Яго міласэрнасць вечная.
Яго, што адзін робіць цуды, бо навекі ласка Яго:
Ён адзін учыніў цуды вялікія, бо Яго міласэрнасць вечная.
што неба стварыў прамудра, бо навекі ласка Яго;
Ён стварыў нябёсы прамудра, бо Яго міласэрнасць вечная
што зямлю разгарнуў на водах, бо навекі ласка Яго;
Ён распасцёр зямлю над водамі, бо Яго міласэрнасць вечная.
шго стварыў вялікія сьветачы, бо навекі ласка Яго;
Ён стварыў свяцілы вялікія, бо Яго міласэрнасць вечная;
сонца, што над днём гаспадаруе, бо навекі ласка Яго;
сонца, каб днём кіравала, бо Яго міласэрнасць вечная.
месяц ды зоры, каб над ночай гаспадаравалі, бо навекі ласка Яго;
месяц і зоры, каб кіравалі ноччу, бо Яго міласэрнасць вечная.
што Эгіпт пакараў у першакох ягоных, бо навекі ласка Яго;
Ён пабіў Егіпет у першародных яго, бо Яго міласэрнасць вечная.
вывеў Ізраіля спасярод яго, бо навекі ласка Яго;
Ён вывеў Ізраэля з асяроддзя іх, бо Яго міласэрнасць вечная;
крэпкай рукою і рамем узьнятым, бо навекі ласка Яго;
магутнай далонню і шырокай рукою, бо Яго міласэрнасць вечная.
што мора Чырвонае расьсек, бо навекі ласка Яго;
Ён Чырвонае мора падзяліў на часткі, бо Яго міласэрнасць вечная.
і правёў Ізраіля пасярод яго, бо навекі ласка Яго;
І правёў Ізраэля пасярод яго, бо Яго міласэрнасць вечная.
і фараона ды войска яго ў мора Чырвонае кінуў, бо навекі ласка Яго;
Ён скінуў фараона і сілу яго ў мора, бо Яго міласэрнасць вечная.
што народ Свой правёў праз пустыню, бо навекі ласка Яго;
Ён правёў народ Свой праз пустыню, бо Яго міласэрнасць вечная.
што цароў вялікіх пабіў, бо навекі ласка Яго;
Ён пабіў цароў вялікіх, бо Яго міласэрнасць вечная.
і скінуў цароў магутных, бо навекі ласка Яго;
Ён пабіў цароў магутных, бо Яго міласэрнасць вечная.
Сыгона, цара Аморэйскага, бо навекі ласка Яго;
Сэгона, цара амарэяў, бо Яго міласэрнасць вечная.
ды Ога, цара Базанскага, бо навекі ласка Яго;
І Ога, цара Басана, бо Яго міласэрнасць вечная.
і аддаў зямлю іх у спадчыну, бо навекі ласка Яго;
І аддаў зямлю іх у спадчыну, бо Яго міласэрнасць вечная.
у спадчыну Ізраілю, рабу Сванму, бо навекі ласка Яго;
У спадчыну Ізраэлю, слузе Свайму, бо Яго міласэрнасць вечная.
у паніжэньні нашым успомніў аб нас, бо навекі ласка Яго;
Ён помніў пра нас у паніжэнні нашым, бо Яго міласэрнасць вечная;
і выратаваў нас ад ворагаў нашых, бо навекі ласка Яго;
і адкупіў нас ад непрыяцеляў нашых, бо Яго міласэрнасць вечная.
што дае пажыву кожнаму дыханьню, бо навекі ласка Яго.
Ён дае ежу кожнаму целу, бо Яго міласэрнасць вечная.
Слаўце Бога нябёсаў, бо навекі ласка Яго!
Вызнавайце Бога нябеснага, бо Яго міласэрнасць вечная.