Псалтыр 29 псалом

Псалтыр
Пераклад Л. Дзекуць-Малея → Пераклад Чарняўскага 2017

 
 

Псальм Давідавы. (Пасьля сканчэньня сьвята Кучак.)Аддайце Госпаду, вы, сыны Божыя, аддайце Госпаду хвалу і чэсьць!
 
Давідаў. Прыносьце Госпаду, сыны Божыя, прыносьце Госпаду хвалу і магутнасць.

Аддайце Госпаду хвалу іменьня Ягонага, ніцма ўпадзеце прад Госпадам у прыгожай сьвятыні!
 
Прыносьце Госпаду хвалу імя Яго, услаўляйце Госпада ў святым ззянні.

Голас Гасподні над водамі; Бог Славы загрымеў: Госпад над водамі вялікімі.
 
Голас Госпада над водамі, загрымеў Бог велічы: Госпад над бязмежнымі водамі.

Грымот Гасподні магутны, грымот Гасподні вялічэзны.
 
Голас Госпада магутны! Голас Госпада велічны.

Пярун Гасподні крышыць кедры, Госпад крышыць кедры Ліванскія!
 
Голас Госпада, Які ламае кедры; і паламае Госпад кедры Лібана,

Ён прымушае іх скакаць, быццам цяляты, Ліван ды Сырыён, як маладых буйвалаў.
 
змушае скакаць Лібан, нібы цялятка, а Сірыён, нібы маладога адзінарога.

Пярун Гасподні выкрасае полымя агністае.
 
Голас Госпада, Які выкрасае агністае полымя.

Грымот Гасподні ўстрасае пушчай, Госпад устрасае пушчай Кадэс.
 
Голас Госпада, Які трасе пустыню, і патрасе Госпад пустыню Кадэс.

Ад грымоту Гасподняга лані зьлягаюць і лясы асыпаюцца, і ў храме Ягоным усё кажа: Слава!
 
Голас Госпада, Які хутка дасць абрадзініцца аленіхам і аголіць гушчары, і ў святыні Яго ўсе прамовяць: «Хвала!»

Над патопам сядзеў Госпад, дый сядзеціме Госпад, як Цар, навекі!.
 
Госпад трывае па-над патопам, і будзе сядзець Госпад як Валадар вечна.

Госпад дасьць сілу народу Свайму, Госпад пабагаславіць народ Свой супакоем.
 
Госпад дасць сілу Свайму народу, Госпад дасць дабраславенне народу Свайму ў супакоі.