Псалтыр 76 псалом
Псалтыр
Пераклад Л. Дзекуць-Малея → Пераклад Антонія Бокуна
Кіраўніку хору: на струнных. Псальм Асапавы. Песьня.
Кіраўніку хору: на струнных інструмэнтах. Псальм Асафа. Сьпеў.
Ведамы Бог у Юдэі, вялікае ў Ізраілю імя Яго.
Вядомы ў Юдэі Бог, вялікае ў Ізраілі імя Ягонае.
Аджа ў Саліме палатка Ягоная і жыльлё Яго на Сыоне.
І паўстаў у Салеме схоў Ягоны, і жытло Ягонае — на Сыёне.
Там Ён скрышыў стрэлы луку, шчыт і меч ды вайну. (Зэля)
Там Ён скрышыў стрэлы луку, шчыт і меч, і вайну. (Сэлях)
Ты бліскучы, Ты зьяеш, Ты магутней за горы адвечныя.
Ты зьзяеш, Ты слаўнейшы за горы здабычы.
Крэпкія сэрцам дабычай зрабіліся, сон іх зьняў, і мужы дужыя рук сваіх не знайшлі.
Зрабаваныя моцныя сэрцам, дрэмлюць сном сваім, і не знайшлі ўсе мужы дужыя рук сваіх.
Ад пагрому Твайго, о Божа Якубавы, і воз ды з канём сном абняты.
Ад пагрозаў Тваіх, Божа Якуба, здрантвелі і калясьніца, і конь.
Ты страшны, і хто можа ўстаяць прад абліччам Тваім у час гневу Твайго?
Ты, [толькі] Ты [напаўняеш] страхам, і хто можа ўстаяць перад абліччам Тваім у час гневу Твайго?
З неба Ты абвясьціў Свой прысуд, і зямля спалохана й сьціхла,
З неба Ты даеш пачуць прысуд, зямля ў страху і маўчаньні,
калі Бог падняўся на суд, каб даць успамогу ўсім пакорным на зямлі. (Зэля)
калі Бог падняўся на суд, каб збавіць усіх уцісканых на зямлі. (Сэлях)
І гнеў чалавечы абернецца ў славу Табе, і астачу сердаваньня Ты ўсьцішыш.
Бо [нават] ярасьць чалавека будзе славіць Цябе, парэшткамі ярасьці Ты падпярэжашся.
Давайце і спаўняйце абяцаньні Госпаду Богу вашаму: усе, што навакол Яго, нясеце дары Страшному.
Давайце і спаўняйце абяцаньні ГОСПАДУ, Богу вашаму; усе, што навакол Яго, нясіце дары Страшліваму.
Ён пазбаўляе духу князёў, Ён страшны для цароў зямных.
Ён пазбаўляе духу князёў, Ён страшны для валадароў зямных.
