Псалтыр 92 псалом
Псалтыр
Пераклад Л. Дзекуць-Малея → Пераклад Антонія Бокуна
Псальм. Песьня на дзень суботні.
Псальм. Сьпеў на дзень суботы.
Добра хваліці Госпада й славіць імя Тваё, Найвышэйшы!
Добра славіць ГОСПАДА і выслаўляць імя Тваё, Найвышэйшы!
Абвяшчаць спазаранку ласку Тваю і праўду Тваю ўначы
Апавядаць раніцаю міласэрнасьць Тваю, і вернасьць Тваю — уначы,
на дзесяціструннай і арфе, на струнах гусьляў іграючы.
на дзесяціструнным псалтыры і на гусьлях граючы.
Бо Ты ўзьвесяліў мяне, Госпадзе, Тваімі дзеяньнямі, аб творах рук Тваіх радасна пяю.
Бо Ты ўзьвесяліў мяне, ГОСПАДЗЕ, справамі Тваімі, творам рук Тваіх буду радавацца.
Як вялікі дзеяньні Тваі, о Госпадзе; назьдзіў глыбокія мысьлі Твае.
Якія вялікія ўчынкі Твае, ГОСПАДЗЕ; вельмі глыбокія думкі Твае.
Чалавек бязглузды ня зьведае гэтага, і сьляпак ня сьцяміць.
Чалавек бязглузды ня будзе ведаць, і дурань не зразумее гэтага.
Калі бязбожныя растуць, як трава, і злачынцы цьвітуць, — дык каб навек яны былі зьніштожаны!
Калі бязбожнікі зелянеюць, як трава, і ўсе ліхадзеі квітнеюць, няхай будуць яны зьнішчаны на вякі!
Ты-ж, Госпадзе, навекі ў вышыні нябёсаў!
А Ты, ГОСПАДЗЕ, узвышаны на вякі!
Бо-ж вось ворагі Тваі, Госпадзе, бо-ж вось ворагі Тваі гінуць, і расьцярушываюцца ўсе, што робяць беззаконнае.
Бо вось ворагі Твае, ГОСПАДЗЕ, бо вось ворагі Твае загінуць, і будуць расьцярушаныя ўсе ліхадзеі.
Але мой рог Ты ўзносіш, як-бы ў аднарожца, а я памазаны алеем сьвятым.
І Ты ўзнясеш рог мой, як у аднарога, я буду памазаны сьвежым алеем.
І вока маё пацяшацца будзе над ворагамі маімі, і чуюць вушы мае аб злачынцах, што супраць мяне збунтаваліся.
Будуць глядзець вочы мае на ворагаў маіх, і пра злачынцаў, якія паўсталі супраць мяне, пачуюць вушы мае.
Пабожны быццам пальма разрастаецца, ён расьце, як той кедр на Лібане.
Праведнік быццам пальма зелянее, ён расьце, як той кедр на Лібане.
Насаджаныя ў доме Гасподнім, яны расцьвітаюць на панадворках Бога нашага.
Насаджаныя ў Доме ГОСПАДА зелянеюць на панадворках Бога нашага.
Яны плод свой даюць і ў старасьці, яны сакавіты і сьвежыя,
Яны плод свой даюць і ў старасьці, яны сакавітыя і сьвежыя,
каб абвяшчаць, што Госпад справядлівы, цьвярдыня мая, і няма ў Ім няпраўды.
каб абвяшчаць, што ГОСПАД справядлівы, Скала мая, і няма ў Ім беззаконьня.
