Псалтыр 64 псалом
Псалтыр
Пераклад Л. Дзекуць-Малея → Пераклад Антонія Бокуна
Кіраўніку хору: псальм Давідавы.
Кіраўніку хору. Псальм Давіда.
Пачуй, о Божа, мой голас у модлах маіх! Ад страху ворага жыцьцё Ты маё захавай!
Пачуй, Божа, голас мой у смутку маім! Ад страху [перад] ворагам захавай жыцьцё маё!
Схавай Ты мяне ад натоўпу злачынцаў, ад банды беззаконьнікаў,
Схавай мяне ад таемных [намераў] злачынцаў, ад грамады тых, што чыняць нягоднае,
што язык свой, як меч, навастрылі, свае стрэлы — калючыя словы — паклалі на лук,
якія навастрылі як меч язык свой, нацягнулі [лук са] стрэламі сваімі — горкімі словамі,
каб украдкам страляць у бязьвіннага: зьнячэўку страляюць яны ў яго й не баяцца.
каб страляць з засады ў беззаганнага; зьнянацку страляюць яны ў яго і не баяцца.
Ад замыслу ліхога яны не адступяцца; і змаўляюцца тайна сеці наставіці; яны думаюць: хто будзе бачыць?
Яны ўмацоўваюць сябе ў справах ліхіх; змаўляюцца пастку [наставіць] таемна; яны кажуць: «Хто гэта ўбачыць?»
Злачынствы надумваюць: Гатовы мы! Замах прыдуманы! Нутро-ж кожнага й сэрца яго — непрагледны.
Яны шукаюць беззаконьня, мы гінем праз задумы беззаконныя! Бо нутро чалавека і сэрца — глыбокія [воды].
А тады іх Бог паражае: стралою зьнячэўку паранены яны,
І стрэліць Бог у іх стралою, зьнянацку атрымалі яны ўдар,
языком сваім самі павытнуць сябе. І дрыжаць усе, хто на іх пазірае.
і яны спатыкнуліся праз язык свой; і ўцякаюць усе, хто іх убачыў.
І людзі ўбаяцца. раскажуць пра Божыя дзеі і сьцемяць, што гэта Ягоная справа.
І будуць баяцца ўсе людзі, і будуць апавядаць пра справы Божыя, і будуць разважаць пра тое, што Ён учыніў.
Пабожны усьцешыцца ў Госпадзе і будзе шукаці прыпынку ў Яго, і шчырыя сэрцам усе будуць хваліцца.
Узрадуецца праведнік у ГОСПАДЗЕ і будзе мець надзею ў Ім, і будуць хваліць Яго ўсе шчырыя сэрцам.
