Псалтыр 75 псалом — Пераклад Л. Дзекуць-Малея → Пераклад Антонія Бокуна

Кіраўніку хору: на лад: не выгубляй. Псальм Асапавы.

Кіраўніку хору: на лад: “Не загубляй!”. Псальм Асафа. Сьпеў.

Хвалім Цябе, Божа, хвалім Цябе, і тыя, што імя Тваё прызываюць, абвяшчаюць цуды Твае.

Славім мы Цябе, Божа, славім, і тыя, што блізкія да імя Твайго, абвяшчаюць цуды Твае.

Калі Я бачу, што час настаў, Я суджу па справядлівасьці.

«Калі Я прызначу [месца] спатканьня, Я буду судзіць паводле справядлівасьці.

Калі зямля хістаецца і, хто жыве на ёй, гіне, — Я умацоўваю слупы яе. (Зэля)

Калі растапляецца зямля і ўсе, хто жыве на ёй, Я ўзважваю слупы яе. (Сэлях)

Да гордых кажу Я: не надымайцеся! да бязбожных: не падыймайце ўверх рогу!

Я кажу да тых, якія хваляцца сабою: “Не хваліцеся!”, і да бязбожных: “Не падымайце рогі!

Не падыймайце высака рогу, не кажэце дзёрзка супраць Скалы!

Не падымайце высока рогі свае, не прамаўляйце, дзёрзка [трымаючы] шыю!”»

Бо не з усходу, ні з захаду, ні з пустыні вывышшэньне,

Бо ані з усходу, ані з захаду, ані з пустыні вывышэньне,

але Бог есьць Судзьдзя: гэтага Ён паніжае, таго-ж вывышшае.

але Бог ёсьць Судзьдзя, гэтага Ён паніжае, а таго вывышае.

Бо мае ў руцэ Госпад чару з віном, якое ў ёй пеніцца; яна поўна напою зьмяшанага, і Ён із яе налівае. Ды толькі фуз яго піць будуць бязбожнікі ўсе на зямлі.

Бо ў руцэ ГОСПАДА келіх з віном, якое пеніцца; ён поўны напою зьмяшанага, і Ён з яго налівае, але толькі фуз ягоны будуць піць усе бязбожнікі на зямлі.

Я-ж весяліціся буду навекі, буду славіць Бога Якубавага.

А я буду апавядаць [пра гэта] вечна, буду выслаўляць Бога Якуба.

І адсяку Я ўсе рогі бязбожнікам, рогі-ж пабожных высака узьнясуцца.

І ўсе рогі бязбожнікам я адсяку, і будуць узьнятыя рогі праведнага.