Псалтыр 149 псалом

Псалтыр
Пераклад Л. Дзекуць-Малея → Пераклад Антонія Бокуна

Альлілуя!Сьпявайце Госпаду песьню новую; хвала Яму ў зграмаджэньні пабожных!

Альлелюя! Сьпявайце ГОСПАДУ новы сьпеў; хвала Яму ў царкве багабойных!

Весяліся, Ізраілю, ў Тварцу тваім; радуйцеся, сыны Сыону, у Цару вашым!

Весяліся, Ізраілю, у Творцы тваім; радуйцеся, сыны Сыёну, у Валадару вашым!

Хвалеце імя Яго карагодамі, іграйце Яму на тымпанах і гусьлях!

Хвалеце імя Ягонае карагодамі, на бубнах і на гусьлях выслаўляйце Яго!

Бо ўпадабаў Госпад народ Свой; пакорных спасеньнем Ён аздабляе.

Бо даспадобы ГОСПАДУ народ Ягоны; уцісканым Ён зьявіць збаўленьне.

Будуць пабожныя цешыцца з славы Ягонай, будуць славіць Яго на ложках сваіх,

Будуць цешыцца багабойныя ў славе [Ягонай], будуць весяліцца на ложках сваіх.

Хвала Богу хай будзе ў іх вуснах, а меч абасечны ў іх у руцэ,

Праслаўленьне Богу няхай будзе ў вуснах іхніх, а меч двусечны — у руцэ іхняй,

каб зьдзейсьніць помсту над паганамі, кару над народамі,

цароў іхніх вяжучы ланцугамі і іхніх магнатаў — зялезнымі путамі,

каб вязаць валадароў іхніх ланцугамі, і шляхту іхнюю — кайданамі жалезнымі,

спаўняючы прысуд даўно запісаны. Гэткая слава ўсім пабожным Яго! Альлілуя!

каб учыніць для іх суд, як напісана. Гэткая велічнасьць для ўсіх багабойных Ягоных! Альлелюя!

Біблія