Псалтыр 149 псалом
Псалтыр
Пераклад Л. Дзекуць-Малея → Пераклад Васіля Сёмухі
Альлілуя!Сьпявайце Госпаду песьню новую; хвала Яму ў зграмаджэньні пабожных!
Алілуя. Сьпявайце Госпаду песьню новую; слава Яму на сходні сьвятых.
Весяліся, Ізраілю, ў Тварцу тваім; радуйцеся, сыны Сыону, у Цару вашым!
Хай радуецца Ізраіль за Творцу свайго; сыны Сіёна хай радуюцца за Цара свайго.
Хвалеце імя Яго карагодамі, іграйце Яму на тымпанах і гусьлях!
Хай хваляць імя Ягонае скокамі; на тымпане і арфе хай сьпяваюць Яму,
Бо ўпадабаў Госпад народ Свой; пакорных спасеньнем Ён аздабляе.
бо дабраволіць Гасподзь народу Свайму, праслаўляе пакорных ратункам.
Будуць пабожныя цешыцца з славы Ягонай, будуць славіць Яго на ложках сваіх,
Хай радуюцца сьвятыя ў славе, хай сьпяваюць на ложках сваіх.
Хвала Богу хай будзе ў іх вуснах, а меч абасечны ў іх у руцэ,
Хай будуць праслаўленьні Богу ў іхніх вуснах, і меч двусечны ў руцэ іхняй,
каб зьдзейсьніць помсту над паганамі, кару над народамі,
каб помсьціць народам, караць плямёны,
цароў іхніх вяжучы ланцугамі і іхніх магнатаў — зялезнымі путамі,
закоўваць цароў іхніх у кайданы і вяльможаў іхніх — у путы жалезныя,
спаўняючы прысуд даўно запісаны. Гэткая слава ўсім пабожным Яго! Альлілуя!
чыніць над імі суд пісаны. Гонар гэты — усім сьвятым Ягоным. Алілуя.
