Псалтыр 67 псалом
Псалтыр
Пераклад Сабілы і Малахава → Пераклад Чарняўскага 2017
Кіраўніку хору. Са струннай ігрой. Псальм. Песьня.
Кіраўніку хору. На струнах. Псальм. Песня.
Хай Бог будзе да нас літасьцівы і багаславіць нас. Хай Ён асьвятлíць нас сьвятлом Аблічча Свайго; Зэля,
Хай злітуецца Бог над намі і падабраславіць нас; хай пралье святло аблічча Свайго над намі,
каб пазналі на зямлі шлях Твой, між усіх народаў збаўленьне Тваё.
каб пазналі на зямлі шлях Твой, між усіх народаў — збаўленне Тваё.
Хай вызнаюць Цябе народы, Божа, хай вызнаюць Цябе народы ўсе.
Хай вызнаюць Цябе народы, Божа; хай вызнаюць Цябе народы ўсе.
Хай радуюцца ды ўрачыста радуюцца народы, бо Ты су́дзіш людзей у справядлівасьці, і Ты кіруеш на зямлі народамі. Зэля.
Хай весяляцца і радуюцца народы, бо Ты судзіш народы ў справядлівасці і кіруеш людам на зямлі.
Хай вызнаюць Цябе народы, Божа, хай вызнаюць Цябе народы ўсе.
Хай вызнаюць Цябе народы, Божа, хай вызнаюць Цябе народы ўсе.
Зямля дала́ плод свой. Хай багаславіць нас Бог, Бог наш.
Зямля дала плод свой; хай дабраславіць нас Бог, Бог наш,
Хай багаславіць нас Бог, і хай збаяцца Яго ўсе канцы зямлі.
хай дабраславіць нас Бог, і няхай баяцца Яго ўсе канцы зямлі.
