Псалтыр 92 псалом
Псалтыр
Пераклад Сабілы і Малахава → Пераклад Чарняўскага 2017
Псальм. Песьня. На дзень суботні.
Псальм. Песня. На дзень шабату.
Добра дзякаваць Ягове і сьпяваць Імю Твайму, Найвышэйшы,
Як жа добра вызнаваць Госпада і спяваць псальмы імю Твайму, Найвышэйшы!
раніцай абвяшчаць Міласэрнасьць Тваю і Вернасьць Тваю — уначы,
Раніцай абвяшчаць Тваю міласэрнасць, і праўду Тваю — уначы.
на дзесяціструнным і на псалтыры, пець (Найвышэйшаму і граць) на гарпе;
На дзесяціструнным, і на гуслях, са спевам пад цытру.
бо Ты, Ягова, радуеш мяне чынам Тваім, я ўрачыста радуюся Дзеям Рук Тваіх.
Бо пацешыў Ты мяне, Госпадзе, Сваім стварэннем, і я буду радавацца справам рук Тваіх.
Як вялікія Твае Дзеі, Ягова! Наўзьдзіў глыбокія Думкі Твае.
Якія ж велічныя справы Твае, Госпадзе: надзвычай глыбокімі сталіся задумы Твае!
Чалавек бязглузды (гэтага) ня ведае, і нядавумак ня разумее гэтага.
Неразумны чалавек не спазнае і бязглузды не зразумее гэтага.
Бязбожнікі растуць, як трава, і ўсе ліхадзеі цьвітуць — каб яны былі зьнішчаны навекі.
Няхай грэшныя разрастуцца, як трава, і будуць квітнець усе тыя, што чыняць несправядлівасць, аднак гэта будзе [ім] на згубу на векі вечныя;
Але Ты, Ягова, высокі ў вяках вечных, —
а Ты, Госпадзе, вечна Найвышэйшы.
бо сапраўды ворагі Твае, Ягова, сапраўды ворагі Твае загінуць. Усе ліхадзеі будуць расьцярушаны.
Бо вось, непрыяцелі Твае, Госпадзе, бо вось, непрыяцелі Твае загінуць і расцярушацца ўсе, што чыняць несправядлівасць.
А мой рог Ты ўзьнімеш, як (рог) адзінарога. Мяне памазаваюць сьвежым алеям.
Ты ўзвысіш рог мой, як у адзінарога, атрымаў я багатае намашчэнне алейкам.
І вока маё будзе бачыць тых, хто робіць на мяне засаду. І вуха маё будзе чуць зламысьнікаў, якія паўстаюць супраць мяне.
Вока маё з пагардаю глядзела на непрыяцеляў маіх, ды пра загубу ліхотнікаў, што паўстаюць на мяне, пра ліхадзеяў радасна слухала вуха маё.
Праведны будзе квітнець, як пальма. Ён будзе расьці, як кедр на Ліване.
Справядлівы будзе квітнець, як пальма; быццам кедр лібанскі, узрасце.
Пасаджаныя ў Доме Яговы будуць квітнець у дварах Бога нашага.
Пасаджаныя ў Госпадавым доме, у дзядзінцы Бога нашага заквітнеюць.
Яны і ў старасьці будуць прыносіць плод. Яны будуць сакавітыя і сьвежыя,
Будуць прыносіць плады ў старасці, сакавітыя будуць і поўныя свежасці,
каб абвяшчаць, што Ягова шчыры ёсьць, Скала мая, і няма ў Ім ніякай няправеднасьці.
Каб вясціць, што Госпад справядлівы, прыстанішча маё, і няма несправядлівасці ў Ім.
