Псалтыр 118 псалом
Псалтыр
Пераклад Сабілы і Малахава → Пераклад Чарняўскага 2017
Дзякуйце Ягове, бо (Ён ёсьць) добры, бо Міласэрнасьць Ягоная трывае на ве́кі.
Алілуя. Вызнавайце Госпада, бо Ён добры, бо вечная міласэрнасць Яго.
Хай сёньня скажа Ізраэль, што Ягоная Міласэрнасьць трывае на ве́кі.
Хай кажа цяпер дом Ізраэля, што Ён добры, што вечная міласэрнасць Яго.
Хай сёньня скажа дом Агарона, што Міласэрнасьць Ягоная трывае на ве́кі.
Хай кажа цяпер дом Аарона, што вечная міласэрнасць Яго.
Хай скажуць сёньня, хто баіцца Яговы, што Міласэрнасьць Ягоная трывае на ве́кі.
Хай кажуць цяпер тыя, што шануюць Госпада, што вечная міласэрнасць Яго.
З уціску паклікаў я Ягову, прасторам адказаў мне Ягова.
У бядзе я звярнуўся да Госпада, і выслухаў мяне Госпад, Які выводзіць на прастору.
Ягова за мяне; я ня буду баяцца. Што зробіць мне чалавек?
Госпад — Успаможца мой; не збаюся, бо што зробіць мне чалавек?
Ягова за мяне сярод памагаючых мне. І я ўбачу (пагíбель) нянавідзячых мяне.
Госпад са мною, і я з пагардаю зірну на непрыяцеляў маіх.
Лепш знайсьці прытулак у Яговы, чым спадзявацца на людзей.
Лепш бегчы да Госпада, чым спадзявацца на чалавека.
Лепш знайсьці прытулак у Яговы, чым спадзявацца на князёў.
Лепш бегчы да Госпада, чым давярацца князям.
Усе пагане акружылі мяне, але Імем Яговы я адсек іх (ад мяне).
Усе паганы абступілі мяне кругом, і вынішчыў я іх у імя Госпада.
Яны абступілі мяне, сапраўды, акружылі мяне, але Імем Яговы я адсек іх (ад мяне).
Абступаючы, акружаюць яны мяне, і вынішчыў я іх у імя Госпада.
Яны абселі мяне, як пчолы (соты), і згасьлі яны, як агонь у церне. Але Імем Яговы я адсек іх (ад мяне).
Акружылі мяне, як пчолы, і ўзгарэліся, як агонь у цернях; і вынішчыў я іх у імя Госпада.
Моцна штурхну́лі мяне, каб я паваліўся. Але Ягова дапамог мне.
Піхаючы, штурхалі мяне, каб я паваліўся, і Госпад успамог мне.
Ягова ёсьць сіла мая і песьня мая. І Ён стаўся мне выратава́ньнем.
Цвярдыня мая і хвала мая — Госпад, і стаўся Ён збаўленнем для мяне.
Голас радасьці і выратаваньня ў палатках праведнікаў: Правіца Яговы робіць мужную і верную прыхільнасьць.
Гоман услаўлення і збаўлення чуецца ў палатках справядлівых:
Правіца Яговы ўзвышана; Правіца Яговы робіць мужную і верную прыхільнасьць.
«Правіца Госпада стварае магутнасць, правіца Госпада ўзвышае мяне, правіца Госпада стварае магутнасць!»
Я ня памру, але буду жыць і распавядаць пра Дзеі Яговы.
Не памру я, але буду жыць і раскажу пра справы Госпада.
Моцна пакараў мяне Ягова, але сьмерці Ён мяне ня аддаў.
Караючы, пакараў мяне Госпад, але смерці мяне не аддаў.
Адчыніце мне Брамы Праведнасьці: я ўвайду праз іх, вызнаю хвалу Ягове.
Адчыніце мне брамы справядлівасці; увайшоўшы праз іх, вызнаваць буду Госпада.
Гэта ёсьць Брама Яговы: праведнікі ўвойдуць празь яе.
Гэта брама Госпада, справядлівыя ўвойдуць праз яе.
Я буду выхваляць Цябе, бо Ты выслухаў мяне і стаўся паратункам маім.
Буду вызнаваць Цябе, бо Ты выслухаў мяне і стаўся збаўленнем для мяне.
Камень, Які адкінулі будаўнічыя, Ён стаўся Галавою вугла.
Камень, які адкінулі будаўнікі, ён стаўся галавою вугла.
Ад Яговы сталася гэта, (і) гэта дзіўна ў вачах нашых.
Ад Госпада гэта сталася, і дзіўна ў вачах нашых.
Гэта ёсьць дзень, які ўчыніў Ягова. Давайце будзем радавацца і весяліцца ў ім.
Вось жа дзень, які ўчыніў Госпад: давайце радавацца і весяліцца ў ім.
О Ягова, ратуй сёньня! О Ягова, сёньня пашчасьці!
О, Госпадзе, збаў мяне, о, Госпадзе, дай шчаслівае жыццё!
(Хай будзе) багаславёны Той, Хто ідзе ў Імя Яговы. Багаслаўляем вас з Дому Яговы.
Дабраславёны, хто прыходзіць у імя Госпада. Дабраслаўляем вас з дому Госпада.
Ягова ёсьць Бог, і Ён даў нам Сьвятло. Вяжыце сьвяточную ахвяру вяроўкамі да рагоў ахвярніка.
Бог — Госпад, і Ён асвятліў нас. Падрыхтуйце ахвяру з густым веццем аж да рагоў ахвярніка.
Ты мой Бог, і я буду Цябе славіць. Божа мой, я буду Цябе ўзвышаць.
Ты — мой Бог, і я буду вызнаваць Цябе, Божа мой, і буду ўзвышаць Цябе.
Хваліце вы Ягову, бо (Ён ёсьць) добры. Бо Міласэрнасьць Ягоная (трывае) вечна.
Вызнавайце Госпада, бо Ён добры, бо вечная міласэрнасць Яго.
