Псалтыр 75 псалом
Псалтыр
Пераклад Сабілы і Малахава → Пераклад Чарняўскага 2017
Кіраўніку хору. «Ня загубі». Псальм Асапавы. Песьня.
Кіраўніку хору. Паводле «Не знішчай» Псальм. Асафа. Песня.
Мы славім Цябе, Божа, мы славім. Твае цудныя ўчынкі абвяшчаюць, што Тваё Імя блізка.
Будзем вызнаваць Цябе, Божа; будзем вызнаваць і прызываць імя Тваё: будзем распавядаць пра цуды Твае.
Калі Я прызначу час, Я буду судзіць па справядлівасьці.
Калі ўстанаўлю час, буду судзіць Я па справядлівасці.
Яны псуюць шлях: зямля і ўсе ейныя жыхары. А Я раблю моцнымі ейныя слупы. Зэля.
Калі расцяклася зямля і ўсе, што жылі на ёй, Я ўмацаваў апоры яе.
Я кажу ганарлівым: «Ня будзьце пыхлівымі!» і да бязбожнікаў: «ня падыймайце ўверх рогу!»
Я сказаў тым, што выхваляюцца: «Не выхваляйцеся!» і тым, што ўчыняюць злачынствы: «Не ўздымайце рог!
Ня падыймайце высака ваш рог, ня гаварыце дзёрзка з каляным каркам,
Не ўздымайце дагары рог ваш; не прамаўляйце нахабстваў супраць Бога».
бо ня з усходу і ня з захаду, і ня ад пустэльні прыходзіць вывышэньне;
Бо пыха — ані з усходу, ані з захаду, ані з пустыні.
бо Бог ёсьць Судзьдзя. Аднаго Ён паніжае, а другога Ён павышае;
Бо Бог — суддзя: аднаго прынізіць, а другога ўзвялічыць.
бо ў Руцэ Яговы ёсьць келіх, поўны зьмяшанага віна, якое пеніцца, і Ён зь яго налівае. І муць ягоную будуць прыхлёбваючы піць усе бязбожнікі зямлі.
Бо ў руцэ Госпада — келіх чыстага віна, поўны сумесі. І Ён пераліў з аднаго ў другое; і ўсё ж будуць выпіваць аж да асадку, будуць піць усе грэшнікі зямлі.
І я, я буду абвяшчаць вечна, буду пець Богу Якубаваму.
А я буду абвяшчаць у вяках, буду спяваць Богу Якубаву.
І я адсяку ўсе рогі бязбожнікам. Рогі справядлівага будуць паднятыя.
І патрушчу я ўсе рогі грэшнікаў; і ўзвысяцца рогі справядлівага.
