Псалтыр 116 псалом

Псалтыр
Пераклад Сабілы і Малахава → Пераклад Чарняўскага 2017

 
 

Я люблю (Ягову), бо Ягова пачуў голас мой, маленьні мае,
 
Алілуя. Палюбіў я, бо выслухаў Госпад голас малення майго.

бо Ён нахіліў Вуха Сваё да мяне. Дык буду прыклікаць Яго ўва ўсе мае дні.
 
Бо нахіліў вуха Сваё да мяне, калі прызываў я ў дні мае.

Путы сьмерці абхапілі мяне, і мукі пякельныя знайшлі мяне. Я знайшоў гора і бяду.
 
Ахуталі мяне путы смерці і пакуты пякельныя нахлынулі на мяне. Натрапіў я на бяду і пакуту.

Але я прыклікаў Імя Яговы: «О, Ягова, дай душы маёй уцячы!»
 
І стаў я прызываць імя Госпада: «О Божа, вызвалі душу маю».

Багадатны ёсьць Ягова і Праведны, і Бог наш спачувальны.
 
Міласэрны Бог і справядлівы, і Бог наш літасцівы.

Ягова ёсьць Ахоўнік прастадушных. Я быў зьнямагаючым, але Ён выратаваў мяне.
 
Сцеражэ Госпад малых; быў я прыніжаны, а Ён даў мне збаўленне.

Вярніся, душа мая, у спакой твой, бо Ягова зрабіў табе добрае.
 
Вярніся, душа мая, да спачынку твайго, бо Госпад дабро ўчыніў табе;

Бо Ты вызваліў душу маю ад сьмерці, вочы мае — ад сьлёзаў, нагу маю — ад спатыканьня.
 
бо вырваў Ён душу маю ад смерці, вочы мае — ад слёз, ногі мае — ад падзення.

Я буду хадзіць перад Абліччам Яговы ў землях жывых.
 
Буду хадзіць перад Госпадам у краіне жывых.

Я веру, таму я гавару: «Я ёсьць вельмі прыніжаны».
 
Паверыў я, і таму прамовіў: «Прыніжаны я вельмі».

Я сказаў у пасьпешлівасьці маёй: «Усе людзі ілгуць».
 
Я ў страху сваім сказаў: «Кожны чалавек ашуканец».

Як я аддзячу Ягове за ўсе Ягоныя дабрадзеі да мяне?
 
Чым жа я аддам Госпаду за ўсё, што Ён аддаў мне?

Я ўзьніму келіх збаўленьня, і я прыклічу Імя Яговы.
 
Вазьму келіх збаўлення і прызаву імя Госпада.

Абяцаньні мае я аддам Ягове перад усім народам Ягоным.
 
Аддам абяцанні мае Госпаду перад усім народам Яго.

Дарагая ёсьць у Вачах Яговы сьмерць Ягоных сьвятых.
 
Дарагая ў вачах Госпада смерць Яго святых.

О Ягова! я слуга Твой. Я слуга Твой, сын Тваёй служанкі. Ты разамкнуў мае кайданы.
 
Госпадзе, я слуга Твой, і сын служанкі Тваёй. Ты разарваў путы мае.

Я ахвярую Табе ахвяру ўдзячнасьці, і прыклікаю Імя Яговы.
 
Злажу я Табе пахвальную ахвяру і прызаву імя Госпада.

Абяцаньні мае я аддам Ягове перад усім народам Ягоным,
 
Аддам абяцанні мае Госпаду перад усім народам Яго

у панадворках Дому Яговы, сярод цябе, Ярузаліме. Хваліце вы Ягову!
 
на панадворку дому Госпада, пасярод цябе, Ерузалім.