Псалтыр 95 псалом
Псалтыр
Пераклад Сабілы і Малахава → Пераклад Чарняўскага 2017
Прыйдзеце, урачыста засьпявайма Ягове! Ра́дасна ўсклікнем да Скалы нашага збаўленьня!
Прыходзьце, узрадуемся Госпаду; уславім гучна Бога збаўлення нашага.
Станьма прад Абліччам Ягоным з падзякай; гучна засьпявайма Яму псальмы,
Успрымем загадзя аблічча Яго, у вызнанні і ў псальмах гучна ўславім Яго.
бо Бог вялікі ёсьць Ягова, і вялікі Кароль над усімі бага́мі,
Бо вялікі Госпад і вялікі валадар над усімі багамі.
у Ягонай Руцэ глыбіні зямлі, і Яму належаць вяршыні гораў,
Бо ў руцэ Яго глыбіні зямныя і вышыні горныя — у Яго.
Ягонае мора, і Ён стварыў яго, і сушу стварылі Рукі Ягоныя.
Бо ў Яго — мора, і Ён стварыў яго, і сушу яго рукі сфармавалі.
Прыйдзеце, суклонімся і ўпадзем. Укленчым перад Абліччам Яговы, Які стварыў нас,
Прыходзьце, паклонімся, і ўкленчым, схілім калені перад Госпадам, Які стварыў нас,
бо Ён ёсьць Бог наш, і мы народ пасты Ягонай і авечкі Ягонай Рукі. Сёньня, калі вы Ягоны Голас чуеце,
бо Ён ёсць Бог наш, мы ж народ пашы Яго і авечкі рукі Яго. О, каб вам сёння
ня зрабіце жорсткімі сэрца вашае, як у Мэрыбе, як у дзень спакушэньня ў пустэльні,
паслухаць голас Яго: не закамяняйце сэрцаў вашых,
дзе ба́цькі вашыя спакушалі Мяне, выпрабоўвалі Мяне, хаця яны бачылі Дзею Маю.
як у Мэрыбе, як у дзень спакушэння ў Масе ў пустыні, дзе спакушалі Мяне бацькі вашы: выпрабоўвалі Мяне, хоць і бачылі справы Мае.
Сорак гадоў Я цярпеў нараканьне ад роду гэтага, і Я сказаў: «Яны ёсьць народ заблуканыя сэрцам, і яны ня спазналі шляхоў Маіх.»
Сорак гадоў надакучала Мне гэтае пакаленне, і сказаў Я: «Яны — народ аблудных сэрцам. І яны не пазналі шляхоў Маіх;
Таму і пакляўся Я ў гневе Маім: «яны ня ўвойдуць у Супакой Мой!»
дык пакляўся Я ў гневе Маім; не ўвойдуць яны ў супачынак Мой».
