Псалтыр 147 псалом
Псалтыр
Пераклад Чарняўскага 2017 → Пераклад Язэпа Германовіча
Алілуя. Хваліце Госпада, бо Ён добры, спявайце псальмы Богу нашаму, бо Ён мілы, Яму належыць хвала.
Алелюя! Слаўце Госпада, — бо добры ёсьць, добра ёсьць сьпяваці: Богу нашаму — пахвала гэтая салодкая ёсьць.
Госпад будуе Ерузалім, збірае расцярушаных з Ізраэля.
Госпадзе — будаўнічы Ерузаліму! Ён забірае рассеяных Ізраіля.
Ён лечыць зламаных духам і перавязвае іх раны;
Ён аздараўляе зламаных сэрцам і ён раны іхнія завязвае.
Ён вызначае лік зорак і ўсім ім дае імёны.
Ён лічыць колькасьць зорак і кажную называе яе імянем.
Вялікі Госпад наш і вялікі магуццем, няма ліку мудрасці Яго.
Ён ёсьць вялікі наш Госпад і Усёмагутны і ягонаму розуму няма меры.
Госпад падтрымлівае пакорлівых, а грэшнікаў прыніжае аж да зямлі.
Госпад падтрымлівае пакорных, бязбожных аж да зямлі прыніжае.
Спявайце Госпаду песню падзякі, грайце псальмы Госпаду нашаму на цытры.
Інтануйце Госпаду песьню падзякі, іграйце нашаму Богу на гусьлях,
Ён закрывае неба хмарамі і ўдабрае зямлю дажджом, Ён вырошчвае траву на гарах і траву, карысную людзям.
Ён нябёсы абцягвае хмарамі, шыкуе дождж для зямлі, на горах кажа расьці травам і расьцінам на службу чалавеку.
Ён дае ежу жывёле Сваёй і вараняткам, якія прызываюць Яго.
Ён дае скачіне пашу яе і малым груганятам, што крычаць да Яго.
Не захапляе Яго сіла каня, ані сіла ног чалавечых.
Ня сіла каня Яму падабаецца, ані калені мужчыны Яму даспадобы,
Падабаюцца Госпаду тыя, што Яго шануюць, і тыя, што ўсклалі надзею на міласэрнасць Яго.
Госпаду мілейшыя тыя, што Яго баяцца і тыя, што спадзяюцца на любоў Яго.
Хвалі, Ерузалім, Госпада, выслаўляй Бога твайго, Сіён.
адсутнічае
Бо Ён умацаваў засаўкі брамаў тваіх, дабраславіў сыноў тваіх у табе.
адсутнічае
Ён усталёўвае супакой як межы твае і да сытасці корміць цябе пшаніцаю.
адсутнічае
Пускае прырачэнне Сваё на зямлю, хутка ляціць Яго слова.
адсутнічае
Ён дае снег, быццам воўну, іней, быццам попел, рассыпае.
адсутнічае
Кідае градам Сваім, як крошкамі [хлеба]; хто ўтрывае перад сцюжаю Яго?
адсутнічае
Пашле Ён слова Сваё, і растопіць іх; павее вецер Яго, і пацякуць воды.
адсутнічае
Ён абвяшчае слова сваё Якубу, справядлівасці і загады Свае — Ізраэлю.
адсутнічае
Ніводнаму народу не зрабіў так, і не аб’явіў ім сваіх прысудаў. Алілуя.
адсутнічае