Псалтыр 138 псалом

Псалтыр
Пераклад Чарняўскага 2017 → Пераклад Язэпа Германовіча

 
 

Давідаў. Буду вызнаваць Цябе, Госпадзе, усім сэрцам маім, бо пачуў Ты словы вуснаў маіх. На віду ў анёлаў спяваць псальмы Табе буду,
 
Давідавы. Усім сэрцам буду я дзякаваць Табе, Госпадзе, бо Ты пачуў словы вуснаў маіх. Я сьпяваю Табе прад абліччам ангелаў.

Пакланюся Табе ў хораме Тваім святым; буду вызнаваць імя Тваё за міласэрнасць Тваю і праўду Тваю, бо ўзвялічыў Ты вышэй за ўсё імя прырачэння Твайго.
 
Даю глыбокі паклон прад тваім храмам сьвятым. Дзякую твайму Імяні за тваю любоў і тваю праўду, бо тваё абяцаньне перавышшае тваю славу.

Калі прызываў я Цябе, выслухаў Ты мяне; памножыў Ты магуцце душы маёй.
 
Калі я клікаў, Ты выслухаў мяне і павялічыў сілу душы маей.

Будуць дзякаваць Табе ўсе цары зямныя, калі пачуюць яны прырачэнні вуснаў Тваіх.
 
Будуць дзякаваць Табе, Госпадзе, усе цары зямлі, бо яны чуюць абяцаньні з вуснаў тваіх.

І апяваць будуць дарогі Госпада, бо вялікая слава Госпада;
 
І будуць сьпяваць аб дарогах Гасподніх, бо вялікая слава Госпада.

бо высокі Госпад і спагадае пакорнаму, а ганарыстага пазнае здалёк.
 
Высокі Госпад, але бачыць пакорных, а на гордых пазірае здалёк.

Калі апынуся я ў вялікай бядзе, Ты ажывіш мяне; і супраць гневу непрыяцеляў маіх працягнеш руку Тваю, і збавіць мяне правіца Твая.
 
Калі я хаджу пасярод уціскаў, Ты даеш мне жыцьцё; супраць злосьці ворагаў маіх — Ты працягваеш руку і твая правіца ратуе мяне.

Госпад зробіць за мяне. Госпадзе, міласэрнасць Твая вечная: не пагарджай творамі рук Тваіх.
 
Усё Госпад зробіць за мяне. — Госпадзе, любоў твая навекі! Не пакінь дзела рук тваіх!