Псалтыр 115 псалом

Псалтыр
Пераклад Чарняўскага 2017 → Пераклад Язэпа Германовіча

 
 

Не нам, Госпадзе, не нам, але імю Свайму дай хвалу за Тваю міласэрнасць і за Тваю праўду.
 
Ня нам, Госпадзе, ня нам, але Іменьню твайму дай славу — дзеля тваей любові, дзеля тваей праўды!

Чаму мелі б казаць паганы: «Дзе ж Бог іх?»
 
Чаму маюць казаць пагане: “Дзе-ж ёсьць іхні?”

Бог наш на небе, усё, што захацеў, зрабіў.
 
Бог наш на неье (і на зямлі): усе, што схоча, Ён зробіць.

Ідалы іх срэбра і золата, стварэнне людскіх рук.
 
Іх ідалы — серабро і золата, маюць вочы і не бачуць.

Вусны маюць, ды не гавораць, вочы маюць, ды не бачаць.
 
адсутнічае

Вушы маюць, ды не чуюць, ноздры маюць, ды не адчуваюць паху.
 
Маюць вушы і ня чуюць, маюць ноздры, а не маюць нюху.

Рукі маюць, ды не ўспрымаюць на дотык, ногі маюць, ды не ходзяць; горлам сваім не пададуць голасу.
 
Рукі у іх, але не маюць вошчупу, ногі ў іх, ды ня ходзяць. Горлам сваім голасу не даюць.

Будуць падобныя да іх тыя, што майструюць іх [балванаў], і ўсе, што вераць у іх.
 
Падобны да іх тыя, што іх робяць, і хтоколечы у іх верыць.

Дом Ізраэля мае надзею ў Госпадзе: Ён іх успамога і абарона.
 
Дом Ізраіля! мей веру у Бога!: он ім помач і абарона.

Дом Аарона мае надзею ў Госпадзе: Ён іх успамога і абарона.
 
Дом Аарона, мей веру ў Бога: Ён іх помач і шчыт!

Тыя, што шануюць Госпада, ускладаюць надзею на Госпада: Ён іх успамога і абарона.
 
Вы, што баіцеся Г-да, мейце веру ў Г-да: Ен ваша помач і шчыт ваш. Ён!

Госпад памятаў пра нас і будзе дабраслаўляць нас: будзе дабраслаўляць Ён дом Ізраэля, будзе дабраслаўляць Ён дом Аарона,
 
Г-д успомніў нас: Ён багаславіць будзе, багаславіць дом Ізраіля, багаславіць дом Аарона.

будзе дабраслаўляць Ён усіх, хто шануюць Госпада, — як малых, так і вялікіх.
 
Багаслаць тых, што баяцца Г-да — малых разам зь вялікімі.

Хай Госпад памнажае вас, вас і сыноў вашых.
 
Хай размножыць вас Г-д, і вас і дзяцей вашых!

Дабраславёныя вы Богам, Які стварыў неба і зямлю.
 
Будзьце багаслаўлёны вы ад Г-да, што стварыў неба і зямлю!

Нябёсы, нябёсы — у Бога, зямлю ж даў для сыноў чалавечых.
 
неба ёсьць небам Гасподнім, зямлю дараваў дзецям Адама.

Не мёртвыя хваліць будуць Цябе, Госпадзе, ані ўсе тыя, што сыходзяць у маўчанне,
 
Ня мёртвыя Г-да хваляць, а й усе тыя, што ў край Маўчаньня сходзяць.

а мы, жывыя, дабраслаўляем Госпада з гэтага [часу], цяпер і вечна.
 
Але мы — жывыя — мы хвалім Г-да, ад сяньня і навекі. (Алелюя!)