Псалтыр 20 псалом

Псалтыр
Пераклад Чарняўскага 2017 → Пераклад Язэпа Германовіча

 
 

Кіраўніку хору. Псальм Давідаў.
 
Кіраўніку хору. Псальм Давідавы.

Хай выслухае цябе Госпад у дзень роспачы, хай абароніць цябе імя Бога Якубава.
 
Няхай паслухае цябе Бог у дзень прыгнёту! Няхай заслоніць цябе Імя Бога Якубавага!

Хай пашле табе ўспамогу ад святыні і з Сіёна хай зберажэ цябе.
 
Няхай прышле табе помач із сьвятыні і падтрымае цябе з Сыёну!

Хай прыгадае кожную тваю ахвяру, і цэласпаленне тваё хай успрыме шчодрым.
 
Няхай прыпомніць усе твае ахвяры, а цэлапаленьні твае няхай знойдзе тлустымі (мілымі)!

Хай аддасць табе паводле сэрца твайго і кожную задуму тваю выканае.
 
Каб Госпад даў табе, чаго ў сэрцы жадаеш і споўніў усе твае замыслы.

Будзем цешыцца з выратавання Твайго і ў імя Бога нашага ўздымем харугвы; хай выканае Госпад усе твае просьбы.
 
Каб мы цешыліся з твайго збаўленьня і ў Імя Бога нашага паднялі сьцягі! Каб Бог споўніў усе твае просьбы.

Цяпер спазнаў я, што ўратаваў Госпад намашчэнца Свайго: выслухаў яго з неба Свайго святога сіламі выратавання правіцы Яго.
 
Цяпер я ведаю, што Бог дасьць збаўленьне свайму Памазанцу (Мэсыяшу): Ён адказвае Яму з сьвятога неба свайго праз збаўчую помач правіцы сваей.(а)

Адныя — на калясніцах, іншыя — на конях, а мы імя Госпада нашага сталі клікаць.
 
Адны — ў конях, другія — ў калясніцах, а мы — моцныя, прызываючы Імя Госпада, Бога нашага.

Тыя сагнуліся і ўпалі, а мы выпрасталіся і былі ўзнятыя.
 
Пахіснуліся тыя і гэтыя зваліліся, а мы стаім і трымаемся.

Госпадзе, уратуй цара і выслухай нас у дзень, калі будзем клікаць Цябе!
 
Госпадзе, збаў цара (спасі) і адкажы нам у дзень нашае просьбы!