Псалтыр 64 псалом
Псалтыр
Пераклад Чарняўскага 2017 → Пераклад Язэпа Германовіча
Кіраўніку хору. Псальм. Давідаў.
Кіраўніку хору. Псальм Давідавы.
Выслухай, Божа, голас мой у роздуме маім; ад страху непрыяцеля ўсцеражы душу маю.
Божа, пачуй голас майго маленьня! Ад страху перад ворагам жыцьцё маё захавай.
Захавай мяне ад зборышча ліхадзеяў, ад мноства тых, што чыняць несправядлівасць.
Ад банды злачынцаў хавай мяне і хэўры ліхадзеяў!
Яны востраць, быццам меч, языкі свае, накіравалі стрэлы свае, атрутныя словы,
Што востраць язык свой як меч, а калючыя словы як стрэлы кяруюць.
каб употай працяць стралой беззаганнага. Знянацку стрэляць яны ў яго і не пабаяцца.
Каб у нявіннага ўкрадкам страляці: зьнячэўку страляюць у яго і не баяцца нічога.
Умацавалі яны ў сабе нягодны намер. Змовіліся яны, каб патаемна наставіць сеці, сказалі: «Хто ўбачыць іх?»
Моцна трамаюцца свайго ліхадзейства, змаўляюцца, каб сеці наставіць: яны кажуць: “Хто ўбачыць?” — “І хто вынайдзе нацыя сакрэты?” (Тэкст папраўлены): — Ён іх прагледзіць — Той, што бачыць нутро чалавека — глыбіню сэрца.
Выдумляюць яны злачынствы, ажыццяўляюць прыдуманыя намеры. Унутранае чалавека і сэрца яго — бездань.
Надумываюць ліхое, хаваюць уплянаваныя помыслы, а нутро кожнага і сэрца — непраглядны.
І Бог паб’е іх стрэламі; знянацку з’явяцца раны Яго.
А Бог паражае іх стралою: яны нечакана былі паранены.
І зрабіў Ён бяссільнымі языкі іх. Адвернуць галовы ўсе, хто ўбачыць іх.
Іх уласны язык шыкуе ім згубу. І ківаюць галавою ўсе, хто на іх пазірае.
І кожны чалавек будзе баяцца; і будуць абвяшчаць справы Божыя і будуць асэнсоўваць учынкі Яго.
І ўсякі чалавек убаіцца і абвесьціць Божае дзела і зразумее ягоную справу.
Узвесяліцца справядлівы ў Госпадзе і будзе мець у Ім надзею, і ўслаўлены будуць усе праўдзівыя сэрцам.
Справядлівы ўцешыцца ў Госпадзе, да Яго прыбягае, а шчырыя сэрцам будуць хваліцца ў Ім.