Псалтыр 99 псалом

Псалтыр
Пераклад Чарняўскага 2017 → Пераклад Язэпа Германовіча

 
 

Госпад валадарыць — трымцяць народы, сядзіць Ён на херубінах, — трасецца зямля.
 
Госпад царуе — дрыжаць народы. Ён сядае на кэрубінах — хістаецца зямля.

Вялікі Госпад на Сіёне і Узвышні над усімі народамі.
 
Вялікі Госпад на Сыёне, Ён узвышаецца над усімі народамі.

Хай вызнаюць імя Тваё вялікае і шаноўнае, бо яно святое.
 
Няхай яны выхваляюць Імя тваё — вялікае і страшнае! Ён — сьвяты! і страшны.

Валадар Магутны любіць суд. Ты ўстанавіў тое, што справядлівае, суд і законнасць учыніў Ты праз Якуба.
 
Ты — Цар, які любіш справядлівасьць — гэта Ты. Ты устанавіў слушнась; суд і справядлівасьць. Ты дзеіш у Якубе.

Узвышайце Госпада Бога нашага, аддавайце паклон Яму ля падножжа ног Яго, бо Ён святы.
 
Вывышайце Г-да, Бога нашага, сукланяйцеся ніцма прад падножкам стоп ягоных, бо сьвяты — ён!

Майсей і Аарон — сярод святароў Яго, і Самуэль між тымі, што прызывалі імя Яго. Прызывалі Госпада, і Ён выслухаў.
 
Майсей і Аарон — між сьвятароў Яго і Самуім між тых што прызываюць Імя Яго: яны клікалі Госпада, а Ён ім адказываў.

Прамаўляў да іх у слупе воблака. Яны выконвалі загады Яго і прыказанні, якія даў Ён ім.
 
У слупе воблака Ён гаманіў зь імі; яны сьцераглі загады Яго і Закон, які ім даў.

Госпадзе, Божа наш, Ты выслухоўваў іх; Божа, Ты быў да іх ласкавы, але помсціў за [ліхія] задумы іх.
 
Госпадзе, Божа наш, ты адказваў ім; Ты быў ім Богам міласэрдзя, але караў за іх злыя учынкі.

Узвышайце Госпада Бога нашага і пакланіцеся святой гары Яго, бо святы Госпад Бог наш.
 
Вывышайце Г-да, Бога нашага і скланяйцеся ніцма прад Яго сьвятой гарою, бо сьвяты ёсьць Госпад, Бог наш!