1 летапісаў 8 разьдзел
Першая кніга летапісаў
Пераклад Чарняўскага 2017 → Пераклад Антонія Бокуна
А Бэньямін быў бацькам свайго першароднага Бэлы, другога Асбэла, трэцяга — Агары,
Бэн’ямін нарадзіў Бэлу, першароднага свайго, Ашбэл — другі, Ахрах — трэці,
чацвёртага Нагаа, і пятага Рэфы.
Ноха — чацьвёрты, Рафа — пяты.
І сынамі Бэлы былі: Адар, і Гэра, бацька Эгуда,
І былі сыны ў Бэлы: Аддар, Гера, Абігуд,
Абісуэ таксама, і Нааман, і Агоэ,
Абішуа, Нааман, Ахоах,
але і Гэра, і Сэпупан, і Гурам.
Гера, Шэфуфан, Хурам.
Гэта сыны Эгуда; кіраўнікі родаў, што пражываюць у Габе, якіх перасялілі ў Манагат;
Вось сыны Егуды, яны — галовы дому бацькоў, якія жылі ў Геве і былі пераселеныя ў Манахат:
а Нааман, і Ахія, і Гэра: ён іх перасяліў ды быў бацькам Озы і Ахіюда.
Нааман, Ахія, і Гера, які перасяліў іх і нарадзіў Уззу і Ахіхуда.
Затым Сагарай атрымаў у краі Мааб, потым адправіў сваіх жонак: Хусім і Бару;
І Шахараім нарадзіў на палях Мааўскіх, пасьля таго, як адпусьціў ад сябе Хушыму і Баару, жонак сваіх.
а ад жонкі сваёй Гадэс меў: Ёбаба, і Сэбію, і Мэсу, і Мэльхама,
І нарадзіў ён ад Хадэш, жонкі сваёй, Ёвава, Цывію, Мэшу, Малькама,
таксама Ягуса, і Сэхію, і Марму; гэта сыны яго, кіраўнікі сваіх родаў.
Еуца, Шахію і Мірму. Гэта сыны ягоныя, галовы [дамоў] бацькоў.
А ад Хусім меў: Абітоба і Эльпаала;
А ад Хушымы ён нарадзіў Абітува і Эльпаала.
далей сыны Эльпаала: Гебэр, і Місаам, і Самад; гэта ён пабудаваў Он і Лод і ваколіцы яго.
Сыны Эльпаала: Эвэр, Мішам, Шамэд, які пабудаваў Ону і Лёд з вёскамі ягонымі,
Бэрыя ж і Сама былі кіраўнікамі родаў, што пражывалі ў Аялоне; яны выгналі жыхароў Гета.
Бэрыя і Шэма. Яны — галовы [дамоў] бацькоў жыхароў Аялону. Яны выгналі жыхароў Гату.
І Ахія, і Сэсак, і Ярмут,
А Ах’ё, Шашак, Ерэмот,
і Забадзія, і Арад, і Эдэр,
Завадыя, Арад, Адэр,
таксама Міхаэль, і Еспа, і Ёга — сыны Бэрыі.
Міхаэль, Ішпа і Ёха — сыны Бэрыі.
А Забадзія, і Масала, і Гэзэцы, і Гебэр,
А Зэвадыя, Мэшулям, Хізкі, Хавэр,
і Есамары, і Езлія, і Ёбаб — сыны Эльпаала,
Ішмэрай, Ізлія і Ёваў — сыны Эльпаала.
і Якім, і Зэхры, і Забдый,
А Якім, Зіхры, Заўды,
і Эліёэнай, і Сэлетай, і Эліэль,
Эліэнай, Цылетай, Эліэль,
і Адая, і Барая, і Самарат — сыны Сямэя,
Адая, Бэрая і Шымрат — сыны Шымы.
і Еспа, і Гебэр, і Эліэль,
А Ішпан, Эвэр, Эліэль,
і Абдон, і Зэхры, і Ханан,
Абдон, Зіхры, Ханан,
і Хананія, і Элам, і Анатотыя,
Хананія, Элям, Антотыя,
і Епдая, і Пэнуэль — сыны Сэсака.
Іфдэя і Пэнуэль — сыны Шашака.
І Самсары, і Сагорыя, і Атолія,
А Шамшэрай, Шэхарыя, Аталія,
і Ерсія, і Элія, і Зэхры — сыны Ерахама.
Яарэшыя, Элія і Зіхры — сыны Ерахама.
Яны былі галовамі родаў па іх радаводах, кіраўнікамі, якія пражывалі ў Ерузаліме.
Гэта галовы [дамоў] бацькоў паводле радаводаў сваіх, галоўныя. Яны жылі ў Ерусаліме.
А ў Габаоне жылі Егіэль, бацька Габаона, і жонка яго на імя Мааха,
А ў Гібэоне жылі: бацька Гібэона, і імя жонкі ягонай Мааха,
і першародным яго сынам быў Абдон, і Сур, і Кіс, і Баал, і Нэр, і Надаб,
і сын ягоны першародны Абдон, і Цур, Кіш, Баал, Надаў,
Гэдор таксама, і Ахія, і Захар, і Мацэлот;
Гедор, Ах’ё і Захер.
і Мацэлот меў Самаа. І жылі яны з братамі сваімі ў Ерузаліме насупраць братоў сваіх.
А Міклот нарадзіў Шымэя. І яны таксама жылі з братамі сваімі ў Ерусаліме насупраць братоў сваіх.
Нэр жа меў Кіса, а Кіс — Саўла, а Саўл — Ёнатана, і Мэльхісуа, і Абінадаба, і Ісбаала.
Нэр нарадзіў Кіша; Кіш нарадзіў Саўла; Саўл нарадзіў Ёнатана, Малькішуа, Абінадава і Эшбаала.
А сынам Ёнатана быў: Мэрыбаал, а Мэрыбаал меў Міху;
Сын Ёнатана — Мэрыб-Баал; Мэрыб-Баал нарадзіў Міху.
сыны Міхі: Пітон, і Мэлех, і Тараа, і Ахаз.
Сыны Міхі: Пітон, Мэлех, Тарэа і Ахаз.
І Ахаз меў: Ёяду, а Ёяда меў Алмата, і Азмавэта, і Замры; затым Замры меў Мосу.
Ахаз нарадзіў Егаяду; Егаяда нарадзіў Алемэта, Азмавэта і Зімры; Зімры нарадзіў Моцу;
І Моса меў Банаа, яго сын — Рэфая, які меў Эласу, які меў Асэля.
Моца нарадзіў Бінэю; сын ягоны — Рафа; сын ягоны — Элеаса; сын ягоны — Ацэль.
Затым у Асэля было шэсць сыноў з такімі імёнамі: Эзрыка, першародны яго, Ізмаэль, Сарыя, Азарыя, Абдзія і Ханан; яны ўсе былі сынамі Асэля.
У Ацэля [было] шэсьць сыноў, і вось імёны іхнія: Азрыкам, Бахеру, Ізмаэль, Шэарыя, Абадыя і Ханан. Усе яны — сыны Ацэля.
А сыны яго брата Эсэка: Улам, першародны, і другі — Ягус, трэці — Эліпалет.
Сыны Эшэка, брата ягонага: Улам, першародны ягоны, Еуш — другі, Эліфэлет — трэці.
І былі сыны Улама мужчынамі найдужэйшымі ў вайне і стралялі з лука з вялікай сілай, і мелі яны многа сыноў і ўнукаў, аж да ста пяцідзесяці. Усе яны сыны Бэньяміна.
І былі сыны Улама людзьмі магутнымі, мужнымі, спраўнымі лучнікамі, і мелі яны шмат сыноў і сыноў сыноў сто пяцьдзясят. Усе яны — з сыноў Бэн’яміна.
