Ісуса сына Нава 15 разьдзел
Кніга Ісуса сына Нава
Пераклад Чарняўскага 2017 → Пераклад Антонія Бокуна
Жэрабя пакалення сыноў Юды па родах яго было такое: аж да мяжы Эдома, да пустыні Сін, насупраць Нагэба, аж да найдалейшых краёў на паўднёвым баку.
Пакаленьне сыноў Юды жэрабям атрымала [спадчыну] паводле сем’яў сваіх: да мяжы Эдому, да пустыні Сін, насупраць Нэгеву на поўдзень аж да канца паўднёвага.
Яго мяжа паўднёвая ідзе ад канца мора Салёнага і ад яго мыса, што глядзіць на поўдзень,
Іх мяжа паўднёвая ішла ад канца Мора Салёнага, ад паўднёвай затокі,
і выходзіць яна на подступах да Акрабіма, і праходзіць праз Сін, і бяжыць на поўдні да Кадэс-Барнэ, і прыходзіць да Эсрона, падымаючыся да Адара, і паварочвае да Каркі;
і кіравалася далей на поўдзень ад Маале-Акрабіму, і праходзіла праз Сін, і ўзыходзіла на поўдзень да Кадэш-Барнэа, і ішла да Хецрону, і ўзыходзіла да Адару, і паварочвала да Карка,
і далей, праходзячы Асэмон, даходзіць да ручая Егіпецкага; будуць у яе выхады да Вялікага мора: гэта будзе мяжа паўднёвага боку для вас.
і пераходзіла да Ацмону, і даходзіла да ручая Эгіпецкага, і спынялася на беразе мора. Такая была іх мяжа паўднёвая.
А мяжа ўсходняя — мора Салёнае аж да вусця Ярдана. Мяжа паўночная пачынаецца ад марскога мыса і ад вусця Ярдана
Мяжа ўсходняя — Мора Салёнае аж да вусьця Ярдану. Мяжа ад поўначы пачыналася ад затокі мора каля вусьця Ярдану,
да Бэтаглі і праходзіць ад поўначы да Бэт-Арабы, падымаючыся да каменя Баэн сыноў Рубэна,
і ўзьнімалася да Бэт-Хоглі, і праходзіла на поўначы да Бэт-Арабы, і ўзьнімалася мяжа да Эвэн-Баган-Бэн-Рэўбэн.
і падымаючыся да Дабіра ад лагчыны Ахор, і заварочваючы на поўнач да Галілотаa, што насупраць узвышша Адамім, якое ідзе ад паўднёвага боку ручая; далей мяжа ідзе да водаў, што называюцца крыніцаю Сонца, і будуць у яе выхады да крыніцы Рагель;
І ўзьнімалася мяжа да Дэбіру ад даліны Ахор і заварочвала на поўнач да Гільгалу, які насупраць Маале-Адумім, што на поўдзень ад ручая; і ішла мяжа да Мэ-Эн-Шэмэшу, і сканчвалася пры Эн-Рагелі.
і мяжа падымаецца лагчынай Бэн-Гэном на поўдзень з боку евусеяў, гэта значыць праз Ерузалім, і адтуль, уздымаючыся да вяршыні гары, што насупраць лагчыны Гэном да захаду і ў крайняй частцы лагчыны Рэфаім на поўнач;
І ўзьнімалася мяжа лагчынай Бэн-Гінном паўднёвым схілам гор Евусэяў, значыць праз Ерусалім, і ўзыходзіла на верх гары, якая насупраць лагчыны Гінном ад захаду і на скраю паўночным лагчыны Рэфаім.
і з вяршыні гары спускаецца мяжа аж да крыніцы вады Нэфтоа і вядзе да паселішчаў гары Эфрон, і заварочвае да Баалы, або Карыят-Ярыма.
З вяршыні гары заварочвала мяжа да крыніцы Мэ-Нэфтаах і вяла да гарадоў гары Эфрон, і заварочвала мяжа да Баалы або Кірыят-Ярыму.
І з Баалы мяжа заварочвае на захад аж да гары Сэір і праходзіць ля схілу гары Ярым на поўнач, гэта значыць Хеслон, і зыходзіць да Бэтсамэса, і пераходзіць у Тамну,
З Баалы мяжа ішла на захад да гары Сэір і праходзіла праз паўночны схіл гары Ярым, значыць Кесалён, і зыходзіла да Бэт-Шэмэшу, і пераходзіла праз Тымну.
і даходзіць да паўночнага хрыбта Акарона, і заварочвае да Сэхрона, і пераходзіць праз гару Баалы, і набліжаецца да Ібнээля, і спыняецца ля мора.
І даходзіла мяжа да паўночнага схілу Экрону, і заварочвала да Шыкарону, і пераходзіла праз гару Баалы, і набліжалася да Ябнээля, і спынялася на беразе мора.
Мяжой заходняй з’яўляецца Вялікае мора. Гэта межы вакол зямлі сыноў Юды па родах іх.
Мяжой заходняй было Мора Вялікае з узьбярэжжам сваім. Гэта мяжа сыноў Юды наўкола паводле сем’яў іхніх.
А Калеб, сын Ефоны, атрымаў частку між сыноў Юды, як загадаў Госпад Ешуа, — Карыят-Арбуb, галоўны горад бацькі Анака, значыць Геброн.
Халеў, сын Ефунны, атрымаў частку між сыноў Юды паводле [слова] з вуснаў ГОСПАДА да Егошуа, — Кірыят-Арбу, бацьку Анака, значыць Хеўрон.
І адсюль Калеб знішчыў трох сыноў Анака: Сэсая, і Ахімана, і Талмая з роду Анака.
Адтуль Халеў выгнаў трох сыноў Анака: Шэшая, Ахімана і Тальмая з роду Анака.
І адтуль выправіўся ён супраць жыхароў Дабіра, які раней называўся Карыят-Сэфэрc.
Адтуль ён вырушыў супраць жыхароў Дэбіру, а Дэбір раней называўся Кірыят-Сэфэр.
І Калеб сказаў: «Таму, хто здабудзе Карыят-Сэфэр і захопіць яго, я дам сваю дачку Аксу за жонку».
І сказаў Халеў: «Таму, хто здабудзе Кірыят-Сэфэр і захопіць яго, я дам Ахсу, дачку маю, за жонку».
І здабыў яго Атаніэль, сын Кенэза, брат Калеба, і той даў яму Аксу, дачку сваю, за жонку.
І здабыў яго Атніэль, сын Кеназа, брата Халева, і [Халеў] даў яму Ахсу, дачку сваю, за жонку.
Калі яна прыбыла, то пераканала мужа свайго, каб той прасіў поля ў бацькі яе; і злезла яна з асла, а Калеб у яе спытаўся: «Чаго ты хочаш?»
І сталася, што яна прыйшла, і намовіла [мужа], каб той прасіў поля ў бацькі яе. І зьлезла яна з асла, а Халеў сказаў ёй: «Што табе?»
Яна ж адказала: «Дай мне дабраславенне; даў ты мне Нагэб, зямлю сухую, дык дай мне і зямлю з крыніцамі водаў». Дык даў ёй Калеб напоеныя крыніцамі узвышша і даліну.
Яна сказала: «Дай мне дабраславенства. Калі ты даў мне зямлю Нэгеў, дай мне крыніцы водаў». І даў ёй [Халеў] крыніцы верхнія і нізавыя.
Гэта ўласнасць пакалення сыноў Юды па родах іх.
Гэта спадчына пакаленьня сыноў Юды паводле сем’яў іхніх.
І былі гарады ад ускраін сыноў Юды каля межаў Эдома ў Нагэбе: Кабсээль, і Эдэр, і Ягур,
Гарады на скраю пакаленьня сыноў Юды каля мяжы Эдому ў Нэгеве: Кабцээль, Эдэр, Ягур,
і Кіна, і Дымона, і Адада,
Кіна, Дымона, Адада,
і Кадэс, і Асор, і Ятнан,
Кадэш, Хацор, Ітнан,
і Зіф, і Тэлем, і Балот,
Зіф, Тэлем, Бэалёт,
і Асор-Хадата, і Карыят, Эсрон — гэта Асор,
Хацор-Хадата, Керыёт-Хецрон, значыць Хацор,
і Амам, і Сама, і Малада,
Амам, Шэма, Малада,
і Асаргада, і Гасэмон, і Бэтпэлет,
Хацор-Гадда, Хешмон, Бэт-Пэлет,
Асарсуал, Бээр-Сэба, Базіётыя,
Хецар-Шуал, Бээр-Шэва, Бізыётыя,
і Баала, і Ійм, і Эсэм,
Баала, Іім, Эцэм,
і Эльталад, і Хэсіль, і Хорма,
Эльталяд, Хесіль, Харма,
і Сікэлаг, і Мадмена, і Сэнсэна,
Цыклаг, Мадмана, Сансана,
і Лебаот, і Селім, і Эн-Рэмон — усіх гарадоў дваццаць дзевяць з вёскамі іх.
Лебаот, Шыльхім, Аін і Рымон — усіх гарадоў дваццаць дзевяць і вёскі іхнія.
А на раўнінах вось гэтыя: Эстаол, і Цора, і Асэна,
А ў Шэфэлі: Эштаол, Цора, Ашна,
і Заноэ, і Эн-Ганім, і Тафуа, і Энайм,
Занаах, Эн-Ганнім, Тапуах, Энам,
і Ярмут, і Адалам, і Соха, і Азэка,
Ярмут, Адулям, Сахо, Азэка,
і Саарым, і Адзітаім, і Гадэра, і Гадэратаім: чатырнаццаць гарадоў з вёскамі іх.
Шаараім, Адытаім, Гедэра і Гедэратаім — усіх гарадоў чатырнаццаць і вёскі іхнія.
І Санан, і Гадаса, і Магдал-Гад,
Цэнан, Хадаша, Мігдаль-Гад,
і Дэлеан, і Міцпа, і Ецэтэль,
Дылеан, Міцпа, Ёктээль,
і Лахіс, і Баскат, і Эглон,
Ляхіш, Бацкат, Эглён,
і Хэбон, і Лехемас, і Кэтліс,
Каббон, Лахмас, Кітліш,
і Гадэрот, Бэтдагон, і Наама, і Македа: шаснаццаць гарадоў з вёскамі іх.
Гедэрот, Бэт-Дагон, Наама, Македа — усіх гарадоў шаснаццаць і вёскі іхнія.
Лебна, і Этэр, і Асан,
Лібна, Этэр, Ашан,
і Ефта, і Эсна, і Нэсіб,
Іфтах, Ашна, Нэсіб,
і Кэйла, і Ахзіб, і Марэса: дзевяць гарадоў з іх вёскамі.
Кейла, Ахзіб, Марэша — дзевяць гарадоў і вёскі іхнія.
Акарон з яго навакольнымі гарадамі і вёскамі;
Экрон з навакольнымі гарадамі і вёскамі.
ад Акарона аж да мора: усё, што знаходзіцца на баку Азота і вёсак яго,
І ад Экрону аж да мора — усё, што каля Ашдоду, і вёскі іхнія.
Азот разам з яго гарадамі і вёскамі, Газа з залежнымі ад яе гарадамі і вёскамі аж да ручая Егіпецкага і Вялікага мора, што з’яўляецца мяжою.
Ашдод і гарады ягоныя, і вёскі ягоныя, Газа і гарады ейныя, і вёскі ейныя аж да ручая Эгіпецкага і Мора Вялікага, і абшар [вакол].
І на гары: Самір, і Ятэр, і Соха,
А ў гарах: Шамір, Яттыр, Сахо,
і Дан, і Карыят-Сэна, або Дабір,
Данна, Кірыят-Санна або Дэбір,
і Анаб, і Эстэмо, і Анім,
Анаў, Эштэмоа, Анім,
і Госэн, і Алон, і Хелон: адзінаццаць гарадоў з іх вёскамі.
Гашэн, Халон, Гілё — адзінаццаць гарадоў і вёскі іхнія.
Араб, і Дума, і Эсаан,
Араб, Дума, Эшан,
і Янум, і Бэт-Тапуа, і Афэка,
Янім, Бэт-Тапуах, Афэка,
і Амата, і Карыят-Арба, значыць Геброн, і Сіор: дзевяць гарадоў з іх вёскамі.
Хумта, Кірыят-Арба, значыць Хеўрон, Цыор — дзевяць гарадоў і вёскі іхнія.
Маон, і Кармэль, і Зіф, і Юта,
Маон, Кармэль, Зіф, Юта,
і Езрагэль, і Юкадам, і Заноэ,
Езрээль, Ёкдэам, Занаах,
Акаін, Габа і Тамна: дзесяць гарадоў з іх вёскамі.
Каін, Гіва і Тымна — дзесяць гарадоў і вёскі іхнія.
Галгал, Бэтсур, і Гэдор,
Хальхул, Бэт-Цур, Гедор,
і Марэт, і Бэтанот, і Эльтэкон: шэсць гарадоў з іх вёскамі. Тэкуэ, і Эфрата, значыць Бэтлехэм, і Пэгор, і Этам, і Кулон, і Татам, і Сорэс, і Карэм, і Галім, і Бэтэр, і Манагат: адзінаццаць гарадоў з іх вёскамі.
Маарат, Бэт-Анот і Эльтэкон — шэсьць гарадоў і вёскі іхнія.
Карыят-Баал, значыць Карыят-Ярымd, і Арэба: два гарады з іх вёскамі.
Кірыят-Баал, значыць Кірыят-Ярым і Рабба — два гарады і вёскі іхнія.
У пустыні: Бэт-Араба, Мэдын і Сахаха,
У пустыні: Бэт-Араба, Мідын, Сэхаха,
і Нэбсан, і горад Сонца, і Эн-Гадзі: шэсць гарадоў з вёскамі іх.
Нібшан, Ір-Гамэлях, Эн- Геды — шэсьць гарадоў і вёскі іхнія.
Сыны Юды не маглі, аднак, знішчыць евусеяў; евусеі з сынамі Юды пражываюць у Ерузаліме да сённяшняга дня.
Сыны Юды не маглі аднак выгнаць Евусэяў, якія жылі ў Ерусаліме, і жывуць Евусэі з сынамі Юды ў Ерусаліме да сёньня.