Мацьвея 3 разьдзел
Паводле Мацьвея Сьвятое Дабравесьце
Пераклад Рыма-Каталіцкага Касцёла → Пераклад Васіля Цяпінскага
У тыя дні з’явіўся Ян Хрысціцель, які навучаў у Юдэйскай пустыні і казаў:
Во дни пак оные пришолъ Иоан кресьтитель, проповедаючи в пустыни Юдской •[1]
«Кайцеся, бо наблізілася Валадарства Нябеснае».
Мовечи: покайтеся, приближило бо ся королевство небесное •
Гэта пра яго сказаў прарок Ісая: «Голас таго, хто кліча ў пустыні:“Падрыхтуйце дарогу Пану,простымі рабіце сцежкі Яму!”»
Тотъ бо ест реченый через Исаия[2] пророка мовечого: голос крічачого в пустыни: готуйте дорогу Панскую простые чините стежки Его •
Сам жа Ян меў адзенне з вярблюджай воўны і скураны пояс на сцёгнах сваіх; а ежай яму была саранча ды дзікі мёд.
Тотже Иоан мелъ одежу свою з шеръсти верблюжое, и поясъ кожаный около бедръ своихъ, а кормъ его былъ[3] саранчи и мед дикий •
Тады выходзілі да яго Ерузалем і ўся Юдэя, і ўсе ваколіцы Ярдана
Тогды выходила к нему Ерусолима и вся Юдея, и вся сторона Ерданская •
і прымалі хрост ад яго ў рацэ Ярдан, вызнаючы грахі свае.
И крестилисе в Ердане от него, вызънаваючи грехи свои •
Убачыўшы многіх фарысеяў і садукеяў, якія прыходзілі да яго хрысціцца, ён сказаў ім: «Племя змяінае, хто навучыў вас уцякаць ад будучага гневу?
Видечи пакъ много фарисеевъ и саддукеевъ идучи до хресту его, рек им: зъродкове змиевые, хто указалъ вам утекати от будучого гневу,
Прынясіце ж годны плён пакаяння
учините прото овощъ годный покаянья •
і не думайце казаць сабе: “Маем Абрагама за бацьку”, бо кажу вам, што Бог можа з камянёў гэтых абудзіць дзяцей Абрагаму.
И не починайте мовити в собе, отца маем Авраама, мовлю бо вамъ, ижъ может Богъ з каменья того възбудити дети Аврааму • [4]
Ужо сякера прыкладзена да карэння дрэў. Таму кожнае дрэва, якое не дае добрага плоду, будзе ссечана і кінута ў агонь.
Ужо бо и секира подле кореня дерева лежи, каждое прото дерево которое нечинит овощу доброго, вытято бываеть и до огня вкидывано • [5]
Я вас хрышчу вадою дзеля пакаяння, але той, хто ідзе за мною, мацнейшы за мяне, і я няварты несці сандалі Ягоныя. Ён вас будзе хрысціць Духам Святым і агнём.
Я бо крещу васъ водою на покаянье, Идучий пакъ за мною моцнейший мене Ест, Которому не естомъ годенъ ботовъ понести; Тотъ васъ окрестит Духом Светым • [6]
Лапата Яго ў руцэ Ягонай, і Ён ачысціць гумно сваё і збярэ пшаніцу сваю ў засекі, а мякіну спаліць агнём непагасным».
Которого лопата в руце Его, и вычистить ток Свой и сбереть пшеницу Свою до гумна и мекину сожжеть огнем неугасаючим •
Тады Езус прыйшоў з Галілеі на Ярдан да Яна, каб атрымаць ад яго хрост.
Тогды пришол Исусъ, з Галилеи на Ердан до Иоана креститися от него •
Ян стрымліваў Яго, кажучы: «Гэта мне трэба прымаць хрост ад Цябе, а Ты прыходзіш да мяне?»
Лечъ Иоан заборонял Ему, мовечи: я потребую от Тебе креститися, а Ты идешь ко мне •
Але Езус сказаў яму ў адказ: «Дазволь цяпер, бо так належыць нам выканаць усё, што справядліва». Тады Ян дазволіў Яму.
І отповедаючи Исусъ рек к нему: занехай тепере, так бо потреба ест намъ выполнити каждую справедливость, тогды занехал Его •
Калі Езус ахрысціўся, адразу выйшаў з вады. І вось раскрыліся Яму нябёсы, і ўбачыў Духа Божага, які спускаўся, як голуб, і сыходзіў на Яго.
И окрестившися Исусъ, выступилъ на тых местъ з воды[7] и ото отворилисе Ему небеса и видел Духъ Божий сходечий як голубъ и идучий на Него •
А голас з нябёсаў прамовіў: «Гэта Сын Мой умілаваны, якога Я ўпадабаў».
И ото голос, с небесъ мовечий:[8] Тот ест Сынъ Мой умилованый, в Которомъ уподобаломъ •
