Втораго закону 18 Втораго закону 18 разьдзел

¹ Не будуть имети жерци и левгиты и вси, еже от того поколения суть, части и достоания со иными людми Ізраилевыми, понеже приносы и жертвы Господьня ести будуть.

² И ничтоже иного возмуть от жребиевъ братии своея, Господь бо — Той естъ жребей и достоание ихъ, якоже глаголалъ естъ имъ.a

³ Сее будеть отсужено жерцу от людей и от тыхъ, ониже приносять победную жертву: вола или овцу аще приносить, да дадуть жерцу плече и груди,

⁴ теже зачатки жит, олея и вина и часть волны, егда овце стригуть,

⁵ тыхъ убо выбралъ естъ Господь Богъ от всехъ поколеней вашихъ, абы стояли и служили именю Господа, Бога вашего, тии и сынове их во веки.

⁶ Естъли бы захотел левгитин выйти из некоего места своего от всехъ градовъ Ізраилевыхъ, в нихже живяше, и жадал бы приити на место, еже избереть собе Господь Богъ,

⁷ то послужить тамъ во имя Господьне, яко инии левгитове, братия его, стоящие в той часъ предъ Господемь Богомъ;

⁸ часть покармовъ брати будет, яко и инии, кроме того, еже во граде его по отци ему ся достало.

⁹ Егда ж вниидете до земли, юже Господь, Богъ вашъ, дасть вамъ, блюдитеся, да не наследуете мерзостей тыхъ народовъ

¹⁰ и да не знайдется межи вами, онже бы очищевалъ сына своего или дщеру свою, ведяй ихъ скрозе огонь, или кто пыталъ бы ся от гадачев или сохраняя сонныя видения.

¹¹ И да не будет посреди вами чародейникъ ни заклинатель, ни волховъ и ни ищай отповеди от ворожбитовъ или от илживыхъ пророков, или от мертвых, пытая от таковыхъ речей правды,

¹² вся бо сия въ ненависти имать Господь, Богъ ваш, и для таковыхъ мерзостей погубить народы ты пред лицемъ вашимъ.

¹³ Вы же внегда вниидете до земли ихъ, совершены и непосквернены будьте предъ Господемъ, Богомъ вашимъ,

¹⁴ людие убо сии, ихже землею вы владети будете, послухали суть чародейниковъ и ворожбитовъ, вы же иначей навчени есте от Господа, Бога вашего.

¹⁵ Пророка з народу вашего и от братии вашей, яко мене, возбудить вамъ Господь, Богъ вашъ, того послухати будете,b

¹⁶ якоже жадали есте сами на горе Ориве,c егда вси сниидостеся восполокъ, глаголюще: “Не можемъ более слышати гласу Господа, Бога нашего, и видети огня превеликого сего, да не помремъ”.

¹⁷ Тогда рече ко мне Господь Богъ: “Добре суть все молвили.

¹⁸ Пророка возбужу имъ от среды братии ихъ, подобнаго тобе, и вложу слово Мое во вста его, и будеть глаголати к нимъ все, елико повелю ему.

¹⁹ И кто бы пакъ не восхотелъ послушати словъ Моихъ, еже молвити будет пророкъ той во имя Мое, то Азъ буду мстити над нимъ.

²⁰ Естъли бы пакъ пророкъ некий, споръностию порушенъ сый, и хотелъ бы молвити тые слова, ихже не повелехъ ему, а то бы глаголалъ именемъ боговъ иныхъ, да убитъ будеть пророкъ той”.

²¹ Пакли же речете во серци своемъ: “Яко мы можем познати тые слова, ихже не молвилъ естъ къ пророку Господь, Бог нашъ?”, тое будете имети за знамение:

²² еже бы во имя Господьне пророкъ той пророковал и не сталося такъ — того не глаголал ест Господь, но самъ пророкъ во гордости своей смыслил ест тое, протожъ не бойтеся его.