Мертвого человека тело егда бы знашли на поли, что имели чинити с ним. О полонянце, естъли бы кто хотелъ ее за жену поняти. О дву женахъ. О сыну непослушном отца своего и о отсуженом на смерть.
1 Внегда бы знайдено было в земли, юже Господ Богъ дасть вамъ, тело человека убитого и не ведели бы есте, кто естъ убилъ его,
2 да изыйдуть старейшины людей и судьи ваше и мерити будуть от тела убитого ко всемъ околичнымъ градом вдолжъ.
3 И кои найблизший знайдут, то возмутъ старейшины града того яловицу от стада, еюже николи не возили и ни орали.
4 И да выведуть ю до долины острое и каменистое, в нейже первей не орали и ни сеяли, и срежуть ту шию яловици.
5 И приступять жерци, сынове Левгиевы, ихже избрал естъ Господь, Богъ вашъ, служити собе и благославити васъ именемъ Его, и словомъ ихъ всякое дело да бы ся деяло, и что естъ чистого или нечистого, от нихъ имать розсужено быти.
6 И приидуть старейшины града того ко телу убитого, и умыють руце свое надъ яловицею, еже в долине зарезана естъ,
7 и рекуть: “Руце наше не вылили суть крови сее и очи наши не видели суть!
8 Буди жъ милостивъ людемъ Твоимъ, Ізраилю, ихже избавилъ еси, Господи Боже, и не причитай крови невинное к людемъ Твоимъ Ізраилевымъ”. И тако отнятъ будеть грехъ той и вина крови.
9 И вы теже чисти будете от крови неповинное, егда учините тые речи, еже Бог заповедалъ вамъ.
10 Пойдете ли когда на войну противу врагомъ вашимъ и предасть ихъ Господь Богъ в руце ваше, и вели бы есте полонъ,
11 и межи ними узрелъ бы девку красну и полюбил ю, и хотелъ бы ее поняти собе за жену,
12 тогда уведешъ ю в домъ свой. Она же да оголить главу свою и обрежеть ногти свое,
13 и сволочеть с себе ризы своя, в нихже поимана естъ, и седячи в дому твоем да плачеть отца своего и матери своея целый месець, и потом вниидеши к ней и будет жена твоя.
14 Пакли же по сихъ не будет ся любит во серци твоемъ, то отпустиши ю свободну, а не будеши мощи потомъ продати ее за сребро и ни обидити ее, понеже понижил есь ю.
15 Будеть ли некий мужъ имети две жене, едину любу, а другую нелюбу, и имел бы с ними дети, а был бы сынъ нелюбое первороженный,
16 и хотел бы имение свое сыномъ розделити, не будет мощи сына жены любое вчинити первороженным и предложити его сыну жены нелюбое.
17 Но ведети имат, иже сынъ нелюбое жены естъ сын первороженный, сего для да дасть ему всего имения своего две доли, яко той убо естъ початокъ сыновъ его и на него прислушить перворожение.
18 Будет ли некий человекъ имети сына непокоривого и упорливого, онже бы не хотелъ послухати навчения отцева и материна и погордалъ каранием их,
19 то да приведуть его ко старейшинамъ града и ко судьямъ, седящимъ во вратахъ градовыхъ,
20 и рекуть к нимъ: “Сынъ нашъ сей непокоривый естъ и упорливый, не хочеть послухати навчения нашего, толико упивается и прелюбыдееть”,
21 тогда камениемъ убиють его вси людие града того даже до смерти, да от[ъ]имете злое от среды васъ. И услышавши, вси людие побоятся того.
22 Егда согрешить человекъ, иже годенъ будеть смерти, и, осудивши, его повесите на шибеници,
23 да не останеть тело его на древе, но в той же день да будеть погребено, понеже злоречен ест от Бога, онже висить на древе,a и да не поскверните земли вашее, юже Господь, Богъ вашъ, дасть вамъ владети ею.
a Ісуса, сына Нава, 10[:26-27]; Да Галатаў, 3[:13].
Знайшлі памылку ў тэксце? Вылучыце яе і націсніце:
Ctrl + Enter
Книги Втораго закону, 21 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.