О милосердии Божиемъ к людемъ, естъли же покаются пред Нимъ, о близкости заповедей Его. О призывании на сведецьство небеси и земли, иже предъложено ест имъ злое и доброе, да изберуть, еже хощуть.
1 Внегда же приидут на вас вся слова сия, благославения или проклятия, еже положих предъ очима вашима, и приимете ли покаание въ серцехъ вашихъ, суще пленены во всехъ странахъ, до нихже распрашить васъ Господь, Богъ вашъ,a
2 и навратитеся ль опять к Господу, Богу вашему, и послухаете заповедей Его, еже заповедаю вамъ днес, вы и сынове ваши от всего серца вашего, от всея души вашея,
3 тогда выведеть васъ Господь, Богъ вашъ, с неволи и слютуется над вами, и собереть васъ со всихъ странъ, до нихже первее распрашилъ былъ.b
4 Бы пакъ и во вси земли, еже суть под небесемъ, были есте розведены, отвсюду собереть вас Господь, Богъ ваш, и прииметь,
5 и воведеть в землю, еюже владели суть отцеве ваши, и вселитеся в ней; и дасть вамъ благославение, и розмножить васъ более, нежели отцевъ ваших.
6 Обрежеть Господь, Богъ вашъ, серца ваша и серца сыновъ вашихъ, да возлюбиши Господа, Бога твоего, всимъ серцемъ и всею душею и долго живъ будеши.
7 И обратить Господь, Богъ вашъ, вся проклятия сия на враги ваша и на ненавидящихъ васъ, и на противящихся вамъ.
8 Вы же навратитеся и слышети будете гласъ Господа, Бога вашего, и полнити вся заповеди Его, еже заповедаю вамъ днесь.
9 И розмножить васъ Господь, Бог ваш, во всехъ делехъ руку вашихъ, во плоде чрева вашего, в стадехъ скоту вашего, во овощехъ земли вашее и в розмножении всего добра вашего. Навратится воистинну Господь, Богъ ваш, да бы ся потешил о всехъ добрыхъ речахъ вашихъ, якоже радовался естъ и о отцехъ вашихъ,
10 естъли же послушаете гласу Господа, Бога вашего, и сохраните вся заповеди Его и посвятные обычае, еже во книзе закона сего написаны суть, и навратитеся ль вы к Господу, Богу вашему, от всего серца вашего и от всея души вашея.
11 Заповедь сия, еже заповедаю вамъ днесь, не естъ надъ вами и ни далеко от васъ, и ни на небе положена,
12 аще речете: “Кто от насъ можеть воступити на небо, да бы ю оттоле принеслъ к намъ, да слышимо и деломъ наполнимо?”;
13 а ни теже за моремъ положена естъ, пакъли бы рекли есте: “Кто з насъ можеть переплавитися за море и оттоле привезти ю к намъ, да быхомъ могли е слышети и вчинити вся, елика приказа намъ?”,
14 c но у васъ естъ слово сие велми близко — во встехъ вашихъ и в серцехъ вашихъ, да наполъните е.
15 Прото пильне знаменайте, иже положихъ днесь пред очима вашима добро и зло, живот и смерть,
16 да возлюбите Господа, Бога вашего, и походите в путехъ Его, и соблюдите заповеди Его, и сохраните обычае посвятные и суды Его, да живи будете и розмножитеся, и дасть вамъ благославение в земли, в нюже входите владети ею.
17 Естъли же пакъ отвратите серце и не восхощете послушати, и прельщены суще, послужили бы богом чуждимъ,
18 предповедаю вамъ днесь, иже скоро загинете и мало поживете в земли, до неяже, прешедши Іорданъ, вниидете обладати ею.
19 На сведецство беру собе днесь небо и зем[л]ю, иже предложихъ вамъ животъ и добро, смерть и зло, благославения и прокляти. Сего ради выберте собе животъ, и живи будете вы и сынове ваши.
20 И возлюбите Господа, Бога вашего, и послушайте гласу Его, и прилепитеся Ему, Той убо естъ животъ вашъ и долгота дней вашихъ, да поживете на земли, юже обещалъ Богъ отцемъ вашимъ — Аврааму, Ісааку и Якову — дати ю вамъ».
a Варуха, 2[:4].
b Лявіт, 26[:42-46].
c Да Рымлянаў, 10[:8].
Знайшлі памылку ў тэксце? Вылучыце яе і націсніце:
Ctrl + Enter
Книги Втораго закону, 30 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.