Втораго закону 8 Втораго закону 8 разьдзел

¹ Кажное приказание, еже заповедаю вамъ днес, да наполните е со всею пилностию, да живи будете и умножитеся, и вшедъши, приимете землю, юже обещалъ Господь Богъ дати отцемъ вашим.

² И помнити будете на вся пути ваша, по нихъже водилъ васъ Господь, Богъ вашъ, четыръдесятъ летъ по пустыни, да бы казнилъ васъ и искусилъ, и ознамилъ, что естъ во серцехъ вашихъ, будете ли хранити заповеди Его, чили ни.

³ Гладомъ карал васъ и далъ вамъ въ пищи место манну, еяже не знали есте вы и ни отцеве ваши, да бы явилъ вамъ, иже не о самом хлебе живъ естъ человекъa, но о всем слове, иже походить из устъ Божиихъ.

⁴ Ризы ваше, имиже одевастеся, не погибоша от старости и нозе ваше не уязвишеся. И се четыредесятое лето ныне ест,

⁵ да бы воспомянули есте въ серци своемъ, иже яко учинить человек сына своего, тако Господь, Бог вашъ, учинил ест васъ.

⁶ Да сохраните заповеди Господа, Бога вашего, и да ходите въ путехъ Его и побоитеся Его,

⁷ Господь убо, Бог ваш, воведеть васъ в землю добрую, в землю, в нейже суть реки, потоци и кладези, и на горахъ земли тое, и на полех выходять криници из земли;

⁸ земля пшеници и ячьменя, и виноградовъ, на нейже ростеть смоковие, ябълока зернатые и масличие;

⁹ земля масла и меду, в нейже без всего недостатку ести будете хлебъ вашъ и всихъ речей множество имети будете; в той же земли в камении естъ железо и на горахъ ея добывают медяное руды досыть.

¹⁰ Егда же ести будете от нея и насытитеся, подякуете Господу Богу из земли доброе, юже далъ естъ вамъ.

¹¹ Будите жъ пилни и блюдитеся, да не забудете Господа, Бога вашего, и сохраните заповеди Его и суды Его, и обычае посвятные Его, еже заповедаю вамъ днесь.

¹² Да некогда, едши и насытивъшися, и домовъ добрыхъ собе наделавши, и живуще в нихъ,

¹³ и имеющи досыть злата, и сребра, и стадъ овець, и всехъ иныхъ речей,

¹⁴ воздвигнетеb жъ серца ваше. И не запоминайте Господа, Бога вашего, изведшего васъ з Египта з дому работы;

¹⁵ и вожъ вашъ былъ ест во пустыни великой и грозной, в нейже быша змии, духомъ запаляющие, и скоропие, и гады велми ядовитые, еже словуть дыспа; и не имеахомъ воды ко питию, Той же изведе потоки водъ ис каменя претверъдаго;

¹⁶ и питалъ васъ манною во пустыни, еяже не знаху отци ваши; и егда показнил васъ и скусил, на конець слютовался над вами.

¹⁷ Да не глаголете въ серъцехъ своихъ: “Крепость наша и сила руку нашею учинила ест намъ вся сия”,

¹⁸ но помните на Господа Бога, яко Той далъ естъ вамъ крепость, да бы наполнил завет Свой, еже завещалъ естъ со отци вашими, якоже явно во днешний день естъ.

¹⁹ Пакли же запоменете Господа, Бога вашего, и послужите богом чужимъ и поклонитеся имъ, се ныне известую вамъ, иже конечне загинете:

²⁰ яко и людие тые, ихже загубить Господь Богъ предъ лицем вашимъ, тако и васъ погубить, естъли же не будете послушни заповедей Господа, Бога вашего.