Како судьи имають винныхъ карати. Яко братъ имелъ поняти жену брата своего мертваго; пакли же бы не хотелъ того учинити, что имелъ за тое терпети. О ровности меры и о Амалехитянех, абы убиали е.
1 Естъли же будет пря межи человекома двема и досмотрять того судьи, и кого узрять справедлива, того правымъ учинять, и кого винного, того повиноватять для провинения его.
2 Пакли же узрять, ано винный годенъ естъ карания, да положать его и предъ собою повелять бити: подле провинения его малого или великого да дадуть и раны ему.
3 Тако же да будеть: да не биють его более четыредесяти ранъ, да не умреть братъ вашъ пред очима вашима, вельми сый убитый.
4 Да не завяжеши губы волу твоему, онже выминаеть жито твое на гумне.a
5 Егда бы жили братия посполу и единъ от нихъ умреть безъ сыновъ, жена того мертваго не пойдеть за иного, но поиметь ю брат вторый и возбудить семя брата своего,b
6 и первороженого сына ее именемъ брата своего назоветь, абы не загибло имя его во людехъ Ізраилевыхъ.
7 Ащели же не восхощеть поняти жены брата своего, еже по закону прилежить к нему, то да идеть жена тая предъ старейшины людей, седящие во вратахъ градовыхъ, и речеть: “Не хощеть братъ мужа моего возбудити семени брата своего в людехъ Ізраилевыхъ и мене не хощеть за себе поняти”,
8 тогда позовуть его старейшины градовы и зопытають. Естъли же речеть: “Не хощу поняти ее за жену”,
9 приступить к нему жена предъ старейшинами и ззуеть чеботъ с ноги егоc и плюнеть на лице его, и речеть: “Тако буди человеку тому, онже не воздвизаеть дому брата своего”.
10 И слыти будеть имя его во Израили “дом иззутого”.
11 Егда бы побранили два мужи и единъ со другимъ почали ся бити, и жена единаго хотела бы помочи мужу своему и выбавити и от руку силнейшаго, и протягнула бы руку и ухопила его за лоно,
12 да отсецете руку жене той и не слютуитеся над нею в том.
13 Не будете носити в калитахъ вашихъ розныхъ заважиевъ, легчейшихъ и тяжшихъ,
14 и не будете имети в домехъ вашихъ меры меншее и большее.
15 Вагу будете имети справедливую и правую и меру ровную и верную,d да долго поживете на земли, юже Господь Богъ дасть вамъ.
16 В ненависти воистинну имать Господь Богъ того, онже таковые речи чинить и противится всякой справедливости.
17 Паметайте, что суть учинили вамъ Амалехитяне на пути, егда идосте из Египта,e
18 яко выскочили на вас и задние полки войска, еже были остали, поразили, егда бесте гладни и ходом стомлены и не боялися Бога.
19 Сего для егда Господь, Бог ваш, дасть вам отпочинение от всих околичных народов в земли, юже обещал вам, погубите имя их под небом, и не запоминайте того.
a 1-е да Карынфянаў, 9[:9]; 1-е да Цімафея, 5[:18].
b Лукі, 20[:28].
c Руфі, 4[:6-8].
d Лявіт, 19[:35].
e Выхад, 17[:8-13].
Знайшлі памылку ў тэксце? Вылучыце яе і націсніце:
Ctrl + Enter
Книги Втораго закону, 25 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.