Втораго закону 13 Втораго закону 13 разьдзел

¹ Аще востанеть посреди васъ пророкъ или видящий видение или сонъ и проповедел бы вамъ знамения и чудеса,

² и стало бы ся такъ, якоже онъ преды поведел естъ, и реклъ бы к вам: “Подмы и послужимо богомъ чужим”, ихже не знаете сами,

³ не послухайте словъ пророка того или онже глаголеть к вамъ, яко: “Видение видехъ”, понеже искушаеть васъ Господь, Богъ вашъ, да бы явно было, любите ли Его от всего серца вашего и от всея души вашея чили ни.

⁴ Господа, Бога вашего, бойтеся, Того последуйте и заповеди Его храните, и гласа Его послушайте, Тому послужите и Того придержитеся.

⁵ Пророкъ же той, иже смыслил собе сонъ, да убитъ будет, понеже глаголалъ естъ, абы отвратилъ васъ от Господа, Бога вашего, онже вывелъ васъ из земли Египетское и выбавилъ от дому роботы и да бы свелъ васъ с путя, еже заповедалъ вамъ Господь, Богъ вашъ, и тако от[ъ]имете злое от среды васъ.

⁶ Естъли же речеть тобе братъ твой, сынъ матери твоея, сынъ твой или дщера твоя, или жена твоя, или другъ твой, егоже любиши, яко себе самого, тайне глаголя: “Подьмо и послужимо богомъ чуждимъ”, ихже не знаеши ты и ни отцеве твои —

⁷ всихъ погановъ, еже около васъ суть или далеко от васъ, от зачала земли даже до конца, —

⁸ не призволяй ему и не послухай его и ниже презрить ему око твое, яко слютоватися тобе над нимъ, или затаити восхощеши его,

⁹ но скоро убий его, рука твоя да будеть найпервшая на нем.

¹⁰ Потомъ руце всихъ людей камениемъ да убиють его до смерти, понеже хотелъ естъ отвести тебе от Господа, Бога твоего, Онже изведе васъ из Египта, з дому работы,

¹¹ да услышавши сее вси людие Ізраилевы и побоятся, да бы николи не чинили того и ни тому подобнаго.

¹² Естъли же когда услышите во единомъ от градъ своихъ, еже Господь, Бог вашъ, дасть вамъ ко пребыванию, некоихъ людей, глаголющихъ:

¹³ “Се вышли суть сынове безаконникъ от среды васъ и отвратили людей, живущихъ во граде единомъ от градъ вашихъ, глаголюще: “Подьмы и послужимо богом чужимъ!”, ихже не ведяху отцеве ваши и ни вы,

¹⁴ тогда пытайтеся пилне, и доведавшися правды, яко безаконие сее мерзское наполнися посреди васъ,

¹⁵ и скоро погубите живущих во граде томъ оружиемъ, и сказите градъ той, и вси речи, еже в немъ суть,

¹⁶ и вси сосуды складете посреде торгу и спалите с градомъ тымъ Господу, Богу вашему. И да будеть во опустение вечное и потомъ да бы не ставили его,

¹⁷ и не возмете собе ничегоже от речей проклятых града того, да отвратит Господь ярость гнева Своего от васъ и помилует вас, и розмножить вас, якоже обещал ест отцем вашимъ,

¹⁸ егда послухаете гласу Господа, Бога вашего, храняще вся заповеди Его, еже заповедаю вам днесъ, да бы чинили есте, еже люба суть предъ лицемъ Господа, Бога вашего.