Втораго закону 3 Втораго закону 3 разьдзел

¹ Тогда, обратившися, идохомъ путемъ до Васана.b И изыде Огъ, царь Васанескъ, с людми своими. к бою противу намъ до Едраа.

² И рече Господь ко мне: “Не бойся его, понеже предахъ и в руце твое со всеми людми и землею его, и уделаешъ ему, якоже учинилъ еси Сеону, царю Аморейску, онже живяше въ Есвоне”.

³ И далъ ест Господь Богъ в руце наше и Ога, царя Васанска, и всехъ людей его, и погубихомъ ихъ даже до скажения,

⁴ добывши всех градовъ его въ единъ часъ. Не было естъ ни единого места, егоже быхомъ не взяли: шестьдесят градовъ, всю страну Арговску царя Ога во Васане

⁵ и вси грады, еже имеаше, были огражены стенами высокими и утвержены вратами и заворами. И посадов яко бы без числа, ониже не имели суть около себе стен,

⁶ здобывали есмо и сказили, якоже и учинихомъ Сеону, царю Есевонеску. И сказивши кажное место а побивше муже и жены, и дети малые,

⁷ скотъ пакъ и користи градовы межи собою розделихомъ.

⁸ И приняхомъ в ты часы земли дву царей Аморейскихъ, ониже живяху предъ Іорданемъ, от потока Арнонъ даже до горы Гермонъ,

⁹ еже Сидоняне называють Сарионъ и Амореане — Саниръ;

¹⁰ вси грады, иже лежать в ровнинахъ, и всю землю Галаадъ и Васанъ даже до Селеха и Едраа, градовъ царства Огова во Васане.

¹¹ Самъ убо толико царь Огъ остал был от племеня волотовъ. Указывають ложе его жележноеc, еже естъ во Равафе сыновъ Аммонихъ: десяти локтей должиня его и четырехъ локтей шириня, мерячи локтемъ руки мужеское.

¹² И взяли есмо землю его в той часъ от Ароира, града, еже естъ на брегу потока Арнона, даже до половины горы Галаадъ, и грады его дал есми поколению Рувинову и Гадову.

¹³ Другую же страну Галаадъ и всю Васанъ, землю царства Огова, далъ есми половине поколения Манасиина, и весь пределъ Арговъ, вся бо страна Васанъ словеть земля Волотовъ.

¹⁴ Яиръ, сынъ Манасиинъ, взялъ весь Аръговъ, даже до пределовъ Есуринъ и Маафатовъ, и прозвалъ именемъ своимъ землю Васанъ — Авоти-Яиръ, то естъ “села Яирова”, даже до днешнего дня.

¹⁵ Махирови же далъ есми Галаад.

¹⁶ Рувинови пакъ и Гадови далъ есми страны от земли Галаадъ даже до потока Арнона, половину потоку даже до водотечия Езевофъ, еже естъ предел сыновъ Аммонихъ,

¹⁷ а ровнину пустыни и Іорданъ, и кончины Ценеретъ даже до моря Пустыни, еже ест Пресланое, под гору Фазгу, противу востоку солнца.

¹⁸ Заповедахъ теже вамъ, глаголя: “Господь, Богъ вашъ, даеть вамъ землю сию в достоание. Сего ради, воземши на ся зброю, идите жъ напредъ, предъ братиею вашею, сынми Ізраилевыми, вси мужи сильнии,

¹⁹ кроме женъ и детей младыхъ, вемъ убо, яко много имаете скоту, протожъ да останеть в местехъ, еже дахъ вамъ,

²⁰ дондеже Господь Богъ дасть отпочинение братии вашей, якоже и вамъ ныне далъ естъ, и владети будуть они теже землею за Іорданемъ, юже Господь Богъ дасть имъ; и тогда навратитеся единый кажный з васъ в достоания своя, яже далъ есми вамъ”.

²¹ Того теже часу приказалъ есми Ісусу, сыну Навину, глаголя: “Очи твои видели суть вся, елика учинилъ естъ Господь Богъ сима двема царема. По тому учинить всимъ царствам, до нихже ты вниидеши.

²² Не бойся ихъ, Господь убо, Богъ вашъ, воевати будеть за васъ”.

²³ И молихся Господу Богу в той часъ, глаголя:

²⁴ “Господи, Боже мой! Ты еси почалъ указывати рабу Своему великую силу Свою и крепкую руку Свою, понеже несть Бога иного на небеси и на земли, онже бы моглъ чинити деля Твоя и прировнатися силе Твоей.

²⁵ Сего для пойду ныне и оглежу землю тую добрую за Иорданемъ и гору тую избранную и Ливанъ”.

²⁶ И розгневался естъ на мене Господь Богъ васъ ради и не хотелъ мя выслухати, и рече ко мне: “Досыть имей на том и николи не мовъ более ко Мне о речи сей!

²⁷ Въступи на верхъ горы Фазги и погледи на вси старны воколо — на востокъ, на западъ, к полудню и к полунощи — и подивуйся земли той, понеже не пойдеши чересъ Іорданъ сей.

²⁸ Прикажи Ісусу и укрепи его и потверди, той убо имать ити предъ людми сими и розделить имъ землю, юже согледаешь”.

²⁹ И тако остали есмо в долине противу храму кумира Фегора.