Втораго закону 28 Втораго закону 28 разьдзел

¹ Естъли же послушаете гласу Господа, Бога вашего, и наполните вся заповеди Его, еже заповедаю вамъ днесь, то вчинить васъ Господь Богъ повышенейшими надо все народы, иже суть на земли.

² И приидуть на вас вся благославения сия и огорнуть васъ. Будеш ли полнити приказания Его.

³ Благославенъ будеши во граде и благославенъ на поли,

⁴ благославенъ будеть плодъ чрева твоего и овощъ земли твоея, и приплодъ скоту твоего, и стада волов твоих, и хлевы овець твоихъ,

⁵ благославена гумна твоя и благославены вси речи твое.

⁶ Благославенъ будешь, входяй в дом свой и выходяй.

⁷ Предасть Господь Бог враги ваши в руце ваше и востающие на вас падуть пред лицем вашимъ, единымъ путем пойдуть на васъ и седми пути побегуть пред вами.

⁸ Дасть Господь Богъ благославение погребомъ вашимъ и всемъ деломъ руку вашихъ, и дасть благославение вамъ в земли, юже приимете.

⁹ И воставить васъ собе Господь Богъ в люди святы, якоже обещал естъ вамъ, будете ли толико сами полнити заповеди Его и ходити по путехъ Его,

¹⁰ и узрять вси народы земли, яко имя Господа Бога призывано естъ над вами, и побоятся васъ.

¹¹ И помножить васъ Господь Богъ во всехъ речахъ вашихъ, в сынехъ, в скоте и в плоде земли, юже обещалъ естъ отцемъ вашимъ дати ю вам.

¹² Отовреть Господь Богъ скарбъ свой найлепший, небо, и дасть дождь на землю часовъ своихъ, и благославит вся дела руку вашихъ. Взаемъ давати будете народомъ многимъ, и сами от нихъ ничего не займете.

¹³ Поставить васъ Господь, Богъ вашъ, в начатокъ, а не в конець, и будете всегда сверху, а не сысподу, естъли же послухаете заповедей Господа, Бога вашего, еже заповедаю вам днесь,

¹⁴ и будете ли хранити и полнити приказаниа Его, не уклоняющеся ни налево, ни направо, и не послужите богом чуждимъ и ни поклонитеся имъ.

¹⁵ Пакли же не восхощете послушати гласу Господа, Бога вашего, да бы сохранили и чинили вся заповеди Его и полнили вси обычае посвятные,a еже во днешний день приказываю вамъ, то приидуть на васъ вся клятвы сия и оскочать васъ.

¹⁶ Проклятъ будеши во граде своемъ, проклятъ на поли своем.

¹⁷ Проклято гумно твое, прокляты и вси речи твое.

¹⁸ Проклятъ естъ плодъ чрева твоего, прокляты сут овоще земли твоея, проклятъ скотъ воловъ твоих, проклята стада овець твоихъ.

¹⁹ Проклятъ будеши, входяй в домъ свой, проклят, выходяй з домуb своего.c

²⁰ Допустить на васъ Господь Богъ гладъ, жажду и нещастье на вси дела ваша, еже чинити будете, дондеже и сотреть васъ и погубить воскоре для вымысловъ вашихъ найгоршихъ, имиже опустили есте Господа, Бога вашего.

²¹ Придасть на васъ Господь Богъ моръ, дондеже и выкоренить васъ из земли тое, в нюже входите владети ею.d

²² Наведеть на васъ Богъ нищету, тресавицу, горячесть, зиму, зной, ржу и скажение воздуха, а тако мучить васъ будеть, даже и загинете.e

²³ И будеть небо надъ главою вашею медяно и земля, по нейже ходите, железна.

²⁴ Дасть Господь вместо дождю вам прахъ, и с неба попелъ спадеть на васъ, донележе погинете вси.

²⁵ Предасть васъ Господь Богъ в руце врагомъ вашимъ, единымъ путемъ изыйдете на них и седмию путми побежите пред ними, и роспрашени будете по всехъ царствахъ земли.

²⁶ Будуть тела ваша мертвая дана на пищу всим птицам небеснымъ и зверемъ земнымъ, и не будеть отганяющего их.

²⁷ Погубить васъ Господь вреды египетскими на задкохъ вашихъ и ту, куде лайна выхожають, и чрева ваше коростами и своробомъ тако, абы не могли злечены быти.

²⁸ Допустить на васъ Богъ пременение смысловъ и слепоту, и безумие,

²⁹ и будете щупати ополудни, яко щупаеть слепый во темностяхъ, и не исправите путей своихъ. На всякий часъ терпети будете обиду и посрамочения и насилиемъ розхищены будете, и не будеть спасающего васъ.

³⁰ Жену поимеши, и иный будеть пребывати с нею. Домъ уделаеши, и не будешъ жити в немъ. Виноградъ насадиши, и не будеши пити от вина его.

³¹ Волъ твой пред тобою убитъ будеть, и не будеши ести от него. Осла твоего возмуть от тебе и не навратять тобе. Овце твое даны будуть врагомъ твоим, и не будеть помагающего тобе.

³² Сынове твои и дщеры преданы будуть иноплеменникомъ, и ты на то гледети будешъ и загинешъ для жалости, смотря на них целый день, и не будеть силы в рукахъ твоихъ.

³³ Плоды земли твоея и вся труды твоя поедять людие, ихже ты не знаешъ, и будешъ всегда кривду терпяй и насилие по вся дни живота своего,

³⁴ бояйся страху тыхъ речей, еже узрять очи твое.

³⁵ Допустить на тя Господь Богъ нежит найгорший на коленах и на лыстах такъ, да бы не моглъ здрав быти от пяты ногъ даже до верху главы.

³⁶ Заведеть васъ Господь Богъ и царя вашего, егоже поставите собе, межи народы, ихже вы не знаете ни отцеве ваши,

³⁷ и послужите тамъ богомъ чужимъ, древянымъ и каменнымъ. И будете тамъ даны въ позоръ и во притчу всемъ народомъ, до нихже заведеть вас Господь, Богъ вашъ.

³⁸ Много насеете на поли и мало пожнете, понеже прузи пожеруть все.

³⁹ Винограды насадите, но не будете с нихъ вина брати и ни возвеселитеся от него, яко жужелица показить е.

⁴⁰ Древа оливные имети будете во всехъ пределехъ вашихъ, и не омастите олеемъ, понеже вытечеть и сотлеетъ.

⁴¹ Сплодите сыны и дщеры, и не укрепитеся о нихъ, понеже заведены будуть во пленение.

⁴² Все садовие ваше и жита земли вашее усеница сказить.

⁴³ Пришельци, иже живуть с вами, вознесутся и будуть повышены над вами, вы же знижитеся и будете понижены имъ:

⁴⁴ они взаемъ давати вамъ будуть, а вы не будете имети что взаемъ дати имъ, тии будуть во главы место, а вы во хвоста место.

⁴⁵ И приидуть на васъ вся клятвы сия, и погонять, и нападуть, дондеже и погубять васъ, яко не послушасте гласу Господа, Бога вашего, и не хранисте заповедей Его и посвятныхъ обычаевъ, еже завеща вамъ.

⁴⁶ И будуть на васъ знамена и дивеса и на семени вашемъ во веки.

⁴⁷ Понеже не послужисте Господу, Богу вашему, в радости и с веселымъ серцемъ, имеюще всего достатокъ,

⁴⁸ будете служити врагомъ вашим, имже предасть васъ Господь Богъ, во гладе, въ жажди, в наготе и в недостатку всехъ речей. Тии возложат ярмо железное на шие ваше, дондеже и сотруть васъ.

⁴⁹ Приведеть на васъ Господь Богъ людей здалека и от кончинъ земли, яко орловъ, летящихъ прудце, ихъже речи не будете мочи разумети:

⁵⁰ людие нестыдатые, ониже не почестують мужа старого и не пожалують дитяти малого,

⁵¹ и пожруть скотъ вашъ и плодъ земли вашее, дондеже и погубять все, не оставять пшеници, вина, олея и стадъ, воловъ и овець, донеле загубять васъ

⁵² во всехъ местехъ вашихъ и донеле розбиють вся стены градовъ вашихъ твердыя и высокия, в нихже имели есте надежду, во всей земли вашей. Обляжены будете по всехъ градехъ во всей земли, юже Господь Богъ дасть вамъ.

⁵³ И ести будете плод чрева вашего, мясо сыновъ своихъ и дщеръ, еже дасть вамъ Господь Богъ, гладу для превеликаго во обляжении и во узкости, еже стужать вамъ врази ваши.

⁵⁴ Человекъ роскошного жития и блядливый велми завидети будеть брату своему и жене его, с неюже лежить,

⁵⁵ егда не подадуть ему мяса сыновъ своихъ, еже ести будуть, понеже немать ничего иного ести, сый во обляжении и в беде, еюже зазлять вамъ врази ваши во всехъ градах вашихъ.

⁵⁶ Жена младая и дрочливая, онаже ледва по земли ступала роскоши для великое, завидети будеть мужу своему, легающему на лоне ея, и не восхощеть дати мяса сыновъ своихъ и дщеръ

⁵⁷ и ниже подасть ему нечистоты тое, еже выходить при порожении, и ни тыхъ детей, еже в ты часы рожаются, но сама ести тые речи будеть в сокритости для недостатку всего покарму во обляжении неприятелевъ и для гладу и беды, еже огорнеть васъ во всехъ градехъ ваших.

⁵⁸ Естъли же не будете хранити и полнити всехъ заповедей, еже написаны суть во книгах сихъ, и не побоитеся имени Его великого и грозного, то естъ Господа, Бога вашего,

⁵⁹ тогда приспорить Господь Бог ранъ вашихъ и ранъ сыновъ вашихъ и наведеть язвы великие, ониже долго васъ мучити будуть, и немощи старые и презлые, якобы вечные,

⁶⁰ и обратить на вас вся раслабления египетская, ихже боялися есте, и придержатися будуть васъ.

⁶¹ К тому теже и вся иныя язвы и немощи, еже не суть писаны во книгахъ закона сего, наведеть Господь Богъ на васъ, дондеже и погубить васъ.

⁶² И оставить васъ в маломъ числе, еже первей бесте мнози, яко звезды небесные, понеже не послушали есте гласу Господа, Бога вашего.

⁶³ И будеть яко первей радость имелъ естъ Господь Богъ над вами, чиняй вамъ добре и розмножая васъ: тако возвеселится, егда сказить васъ и превратить, и выженеть из земли, до неяже вниидете владети ею.

⁶⁴ Роспрашит васъ Господь Богъ во всехъ народехъ, от зачала земли даже до конець ея, и послужите тамъ богом чуждимъ, ихъже не знаете вы сами ни отцеве ваши, богомъ древянымъ и каменнымъ.

⁶⁵ И межи тыми народы не отпочинуть ноги ваше и не ододхнете; дасть вам тамо Господь Богъ серце боязливо и очи недостаточные, и душу, погыбающую жалостию,

⁶⁶ и будеть живот ваш яко бы висяй пред вами. Страшитися будете во дни и в ночи, и не будете верити сами собе.

⁶⁷ Рано речете: “Кто намъ дасть то, абы былъ вечеръ?”, и увечеръ речете: “Кто намъ дасть, абы было утро? ” страху для серца вашего, иже приидеть на вас, и видения для очию ваших.

⁶⁸ Завезеть васъ опять Господь Богъ до Египта во кораблех путемъ, о немже поведа вамъ, да бы есте к тому не согледали его, и тамъ продани будете врагомъ вашим в рабы и в рабыне, и не будеть купующихъ васъ».