Втораго закону 7 Втораго закону 7 разьдзел

¹ Егда же воведеть васъ Господь, Богъ вашъ, в землю, еюже владети будете, и погубить пред вами народы многи — Ефеанъ, Гергесеанъ, Амореанъ, Хананеанъ, Ферезеанъ, Еввеанъ и Евузеанъ — седмъ народовъ, иже множайшие числомъ суть, нежели вы, и силнейшие васъ,

² и предасть их вам Господь, Богъ ваш, да побиете ихъ всехъ до останочного, да не чините с нимиa миру и да не слютуетеся над ними,

³ а ниже будете понимати за себе дщеръ их и ниже дщер своихъ дасте за сыны их,

⁴ понеже дщеры ихъ прелстять сыновъ вашихъ, иже не будуть наследовати Господа, Бога своего, но более послужать богомъ чуждим, и прото разгневается ярость Божая на них и скоро погубить ихъ.

⁵ Но лепей сее имъ уделайте: требища ихъ сказите, кумиры ихъ сокрушите, гае ихъ посечите и резания ихъ попалите,

⁶ понеже людие святи есте Господу, Богу вашему, васъ убо избралъ естъ Господь Богъb, абы были Ему людие особливии от всехъ народовъ, иже суть на земли.

⁷ Не для того ижбы есте иных народовъ премогали числомъ случился естъ Господь с вами и выбралъ васъ Собе, понеже мней васъ естъ, нежели всехъ иныхъ народовъ,

⁸ но для того, иже возлюби васъ Богъ и соблюде заветъ, еже завеща со отци вашими. И вывелъ васъ рукою силною, и избавил вас от дому работы и от моци фараона, царя Египетскаго,

⁹ да весте, иже Господь, Богъ ваш, — Той естъ Богъ силный и верный, храняй заветъ и милосердие любящимъ Его и соблюдающимъ заповеди Его даже до тысещи родовъ

¹⁰ и отдаяй злая ненавидящимъ Себе скоро: тако, иже погубить ихъ и не продолжить отдати имъ воскоре, еже прегрешили.

¹¹ Сего для сохраните заповеди Его и чины посвятные Его, и суды Его, еже заповедаю вамъ днесь, и деломъ да наполните е.

¹² Будете ли, послухавши, хранити заповеди Господа, Бога вашего, и обычае посвятные Его, и суды Его, тогда сохранить и вамъ Господь, Богъ вашъ, заветъ и милосердие, еже завещалъ естъ со отци вашими,

¹³ и будеть любити васъ и розмножить васъ. И дасть благославение плоду живота вашего и плоду земли вашее, житом вашимъ, виноградомъ, масличинамъ, скоту и стадомъ овець вашихъ в земли, юже обещал естъ отцемъ вашимъ дати ю вамъ.

¹⁴ Благославени будете межи всими народы. Не будеть посреди васъ неплодныйc обоего поглавия, в людехъ и во скотехъ вашихъ.

¹⁵ От[ъ]иметь от васъ Господь Богъ кажный недугъ и всякии немощи египетския злыя, еже видели есте, и не наведеть на васъ, но на всехъ враговъ вашихъ.

¹⁶ И погубите всехъ людей, ихже Господь, Богъ вашъ, предасть вамъ, да не отпустять имъ очи ваше и не послужите богомъ ихъ, понеже было бы то вамъ к погибели.

¹⁷ Рекнете ли когда въ серцехъ вашихъ: “Се более естъ сихъ народовъ, нежели насъ, и яко жъ мы возможем погубити ихъ?”,

¹⁸ не бойтеся того, но воспомяните, елика учинил естъ Господь, Богъ вашъ, фараонови и всем Египтяномъ

¹⁹ беды великие, еже видели суть очи ваше, знамена и чудеса, и рукою силною и мысцею высокою изведе васъ оттоле Господь, Богъ вашъ; також вчинить и всемъ народомъ, ихже боитеся вы.

²⁰ К тому теже наведеть на нихъ Господь, Богъ вашъ, шершневъ, донъдеже не выгубить ихъ всехъ, ониже утекуть предъ вами, да ся не возмогуть сокрити.

²¹ Прото не бойтеся ихъ, понеже Господь, Богъ вашъ, с вами естъ, Богъ великий и грозный,

²² и Той сказить вси народы тые пред вами помалу ту и онде. Не возможете вы ихъ погубити единова, да бы не розмножилися на васъ во земли той зверии дивии.

²³ И дасть ихъ Господь Богъ пред лицемъ вашимъ и побиете ихъ, и на конець потреблены будуть.

²⁴ И предасть царей ихъ в руце ваше, и загладите имена ихъ под небесемъ: никтоже возможет супротивитися вамъ, дондеже погубите всехъ ихъ.

²⁵ Идолы ихъ огнемъ попалите, не пожадаете злата того или сребра, с негоже учинены суть, и не возмете собе что от нихd, да не розгневите Господа, Бога вашего, понеже мерзка суть сия пред Ним,

²⁶ а ниже что внесете в домы ваша, вземши со идола, да не будете прокляти, яко и той: яко гнюсность возненавидите и яко поскверненое и смрадъ имети будете, понеже речь проклятая ест.