Моисей припоминаеть людем старыи грехи ихъ, яко были собе слили тельца и розгневили тымъ Господа Бога и яко сламалъ две досце каменне, на нихже написаны были заповеди Божие, потомъ молися о людехъ Господу и укроти гневъ Его.
1 Послушайте, людие Ізраилевы! Ныне вы пойди те за Иорданъ владети народы многыми и силнейшими, нежели вы, грады великими и огражеными даже к небеси,
2 людьми высокими и силными, сынми Енаховыми, ихже видели есте и слышали, имже никто не можаше спротивитися.
3 Сего для ведайте сее, иже Господь, Богъ вашъ, пойдеть пред вами, огнь попаляя и пожирая вся, Он погубить и сотреть всехъ скоро предъ лицемъ вашим, якоже глаголалъ естъ вамъ.
4 Да не речете потомъ во серцехъ вашихъ, яко: “Правды ради нашее воведе насъ Господь Богъ в землю сию владети ею и для неправды своея сии народы погибоша”, понеже не для правъды вашея
5 и ни для истинны серца вашего вниидете до зем[л]и сея владети ею, но безакония для странъ тыхъ погубить е Господь Богъ, егда вы будете входити в землю ихъ, да наполнить Господь Богъ слово Свое, еже со клятвою глаголалъ естъ ко отцемъ вашимъ — Аврааму, Ісааку и Якову,
6 сего ради, да бы есте ведали тое, иже не для справедливости вашее далъ естъ вам Господь Богъ землю сию избранную владети ею, понеже претвердое шии есте людие.
7 Паметайте и не запоминайте, яко ко гневу попужали есте Господа, Бога вашего, въ пустыни, и от того дня, якоже вышли есте изъ Египту, даже и по днесь есте сварливы и противни Господу, Богу вашему,
8 яко и на горе Ориве попудили есте Его на гневъ, протожъ хотелъ естъ погубити васъ.
9 Внегда бо идохъ на гору, абых взялъ две доски каменны завета, еже завещалъ естъ Господь Богъ с вами, и пребыхъ на горе четыредесятъ дней и четыредесят нощей, хлеба не ядя и воды не пия,
10 и дал ми Бог две досце каменне, писаны перстом Божиим, на нихже быша написаны все заповеди Господьне, еже глагола к вам от среды огня, егда вси людие сошлися были.
11 И бысть, внегда проидоша четырдесят дней и четырдесят нощей, далъ ми естъ Господь две доски каменне — доски свидения.
12 И рече ко мне: “Въстани и сойди с горы прудце, понеже людие твои, ихже вывел еси из Египта, скоро сошли суть с путя, еже показал есь имъ, и слиша собе телца”.a
13 И рече паки Господь ко мне: “Вижу, иже людие сие. твердосерди суть,
14 прото да погублю их и заглажу имя их под небесем и поставлю тя над иным языком, болшим и силнейшимъ, нежели сей естъ”.
15 И внегда идохъ з горы, еже горела огнем, и несохъ во обу руку доски завета.
16 И егда узрехъ, а вы согрешисте пред Господемъ, Богом своимъ, и слисте собе телець и скоро опустисте путь Его, еже показа вамъ,
17 тогда повергохъ доски з руку моихъ и сламахъ е пред лицемъ вашимъ.
18 И шедъ опять, падохъ пред Господемъ, моляся, яко и первей, четыредесятъ дней и четыредесятъ нощей, хлеба не ядохъ и воды не пихъ за грехи ваше, еже вчинисте пред Господем, Богомъ вашимъ, попужающе на гневъ ярость Его,
19 бояхся убо гневу и ярости Его, имже порушился былъ и хотелъ погубити васъ. И услыша мя Богъ и в той часъ.
20 На А[а]рона теже вельми ся былъ розгневал, хотяй сотрети его, и молихся за нь Господу.
21 Грехъ же вашъ, еже учинисте, то естъ телець, похопивъ, на огни спалих, и на кусы сокрушивъ, сотрохъ въ прахъ и высыпахъ до потока, текущего з горы.
22 Въ Запалении теже, и во Искушении, и у Гробовъ Похотейb разгневасте Господа Бога.
23 И егда посылалъ васъ от Кадисъ-Варни, глаголя: “Идите и приимите землю, юже дахъ вамъ”, и погордели есте повелением Господа, Бога вашего, и не веристе Ему, и ни послушасте гласу Его.
24 Но всегда были есте противни от того дня, в онже есмъ позналъ васъ.
25 И лежахъ я предъ Господемъ четырдесятъ дней и четырдесятъ нощей, в нихже смирене молихся, абы не погубилъ, якоже грозилъ.
26 И моляся, реклъ есми: “Господи, Боже! Не погубляй людей Твоихъ и достоания Твоего, еже избавилъ еси великою силою Своею, изводяй ихъ изъ Египта рукою крепкою и мысцею высокою.
27 Воспомяни на рабы Твоя Авраама, Ісаака и Якова. Не гледи на твердосердие людей сихъ и на безаконие и на грехи ихъ,
28 да не рекуть когда живущие на земли той, с неяже еси вывелъ е, глаголюще: “Не моглъ естъ вовести Бог ихъ в землю, юже обещалъ былъ имъ, яко возненавидел е, и для того вывел их в пустыню, абы погубил е”.
29 Сии убо суть людие Твое и достоание Твое, ихже вывелъ еси рукою силною и мысцею высокою”.
a Выхад, 32[:7-8], у Скарыны нумар главы памылковы: 23.
b въ Запалении — у Табеэры; во Искушении — у Маса; у Гробовъ Похотей — у Кіброт-Хатааве.
Знайшлі памылку ў тэксце? Вылучыце яе і націсніце:
Ctrl + Enter
Книги Втораго закону, 9 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.