Псалтыр 126 псалом — Пераклад Васіля Сёмухі → Біблія Скарыны (Бразгуноў)

Псалтыр 126 псалом

Псалтыр
Пераклад Васіля Сёмухі → Біблія Скарыны (Бразгуноў)

Песьня ўзыходжаньня. Саламонава. Калі Гасподзь ня збудуе дома, марна працуюць будаўнікі яго; калі Гасподзь не ахавае горада, марна чувае варта.

Дарэмна вы рана ўстаяце, позна праседжваеце, ясьце хлеб журботы, тым часам як любаснаму Свайму Ён дае сон.

Вось спадчына ад Госпада: дзеці; узнагарода Ягоная — плод ад улоньня.

Што стрэлы ў руках у дужага, тое сыны маладыя.

Дабраславёны чалавек, які напоўніў імі калчан свой! Не застануцца яны ў сораме, калі гаварыцьмуць з ворагамі ў браме.