1 да Фесаланікійцаў 5 разьдзел
Першае пасланьне да Фесаланікійцаў
Пераклад Яна Станкевіча → Пераклад Васіля Сёмухі
Праз часы ж а поры, браты, не маеце вы патрэбы, каб пісаць вам,
А пра часы і часіны няма патрэбы пісаць вам, браты,
Бо самы вы дабрусенька ведаеце, што дзень Спадароў, як злодзей ночы, прыйдзе.
бо самі вы дакладна ведаеце, што дзень Гасподні так прыйдзе, як злодзей уначы.
Як будуць гукаць: «Супакой а бясьпечнасьць», тады зьнецікі прыйдзе загуба на іх, як трудненьне на тую, што зь дзяцём, і ніяк не ўцякуць.
Бо, калі будуць казаць: «мір і бясьпека», тады зьнянацку спасьцігне іх пагібель, як мука родамі спасьцігае цяжарную, і ня ўнікнуць.
Але вы, браты, ня ў цемні, каб дзень засьпеў вас, як злодзей;
Але вы, браты, ня ў цемры, каб дзень застаў вас, як злодзей;
Бо ўсі вы сынове сьвятліні а сынове дня: мы — ня сынове ночы ані цемні.
бо ўсе вы — сыны сьвятла і сыны дня: мы — ня сыны ночы, ні цемры.
Дык ня сьпіма, як засталыя, але будзьма чукавыя а цьвярозыя.
Дык вось, ня будзем спаць, як іншыя, а будзем чуваць і цьвярозіцца.
Бо сьпячыя сьпяць ночы, і п’янчачыя п’янчацца ночы.
Бо, хто сьпіць, сьпіць уночы, і хто ўпіваецца, упіваецца ўночы.
Мы ж, будучы сынамі дня, цьверазімася, надзеўшы панцыр веры а міласьці і шолам надзеі спасеньня.
Мы ж як сыны дня, будзем цьвярозіцца, апрануўшыся ў браню веры і любові і ў шалом надзеі на збавеньне,
Бо Бог прызначыў нас не на гнеў, але на адзяржаньне спасеньня пераз Спадара нашага Ісуса Хрыста,
таму што Бог вызначыў нас не на гнеў, а на атрыманьне збавеньня праз Госпада нашага Ісуса Хрыста,
Памерлага за нас, каб, ці чукавыя мы, ці сьпім, жылі разам ізь Ім.
Які памёр за нас, каб мы, ці то чуваем, ці то сьпім, жылі разам зь Ім.
Дык цешча адны адных і будуйце адны адных, як вы й робіце.
Таму ўмаўляйце адно аднаго і навучайце адно аднаго, як вы і робіце.
І просім вас, браты, знаць працуючых у вас і тых, што дамяняюць вам,
Просім жа вас, браты, паважаць тых, якія працуюць у вас, і якія пастаўлены над вамі ў Госпадзе, і якія на розум вас настаўляюць,
І надта паважаць іх у любосьці за працу іхную; будзьце ў супакою мяжсобку.
і шанаваць іх пераважна зь любоўю за справу іхнюю; будзьце ў згодзе паміж сабою.
Мы ж заклікаем вас, браты, дамяняйце ляным, цешча лентых, памагайце слабым, будзьце цярплівыя з усімі.
Молім вас таксама, браты, настаўляйце на розум бясчынцаў, суцяшайце маладушных, падтрымлівайце слабых, будзьце цярплівыя з усімі.
Глядзіце, каб ніхто не аддаваў каму ліхам за ліха, але заўсёды імкніцеся да дабра адзін да аднаго і да ўсіх.
Глядзеце, каб хто каму не плаціў злом за зло; а заўсёды шукайце дабра і адно аднаму і ўсім.
Заўсёды цешчася.
Заўсёды радуйцеся.
Бязупынку маліцеся.
Бесьперастанку малецеся.
За ўсе дзякуйце, бо гэта ё воля Божая праз вас у Хрысту Ісусу.
За ўсё дзякуйце: бо такая за вас воля Божая ў Ісусе Хрысьце.
Духа не гасіце.
Духа не гасеце.
Прароцтвы ўлегцы ня майце.
Прароцтваў не прыніжайце.
Усяго прабуйце, добрага моцна дзяржыцеся.
Усё выпрабоўвайце, добрага трымайцеся.
Узьдзержуйцеся ад кажнага роду нягоднасьці.
Ухіляйцеся ад ліхаты ў любым яе выглядзе.
Сам жа Бог супакою няхай супоўна пасьвяціць вас, і ўвесь дух вашы, і душа, і цела няхай захаваюцца беззаганнымі на прыход Спадара нашага Ісуса Хрыста.
Сам жа Бог міру няхай асьвеціць вас ва ўсёй поўніцы, і ваш дух і душа і цела ва ўсёй цэласьці няхай захаваюцца без пахібы ў прышэсьце Госпада нашага Ісуса Хрыста.
Верны Тый, Каторы гукае вас, Каторы запраўды ўчыне гэта.
Верны Той, Хто заклікае вас, Які і зьдзейсьніць гэта.
Браты, маліцеся за нас.
Браты! малецеся за нас.
Паздаровайце ўсіх братоў ізь сьвятым цалаваньням.
Вітайце ўсіх братоў цалаваньнем сьвятым.
Прысягаю вас Спадаром прачытаць гэты ліст усім братом.
Заклікаю вас Госпадам прачытаць гэта пасланьне ўсім сьвятым братам.
Ласка Спадара нашага Ісуса Хрыста з Вамі.
Мілата Госпада нашага Ісуса Хрыста з вамі. Амін.
