Тута навчаеть, яко агнъца Пасхи ести имели и кровию его вереи мазати, хлебы пресные з рерюхами ести. Богъ побилъ естъ все первороженное, еже бе во Египте, и сынове Ізраилевы вышли изъ Египта.
1 И рече Господь к Моисею и ко Аарону в земли Египетской:
2 «Месець сей будеть вамъ зачало месецевъ, первый будеть межи месеци лета.
3 Ирците жъ ко всему сонму сыновъ Ізраилевыхъ, глаголюще: десятого дня месеца сего да возметъ единый каждый с них агнъца по челядехъ и по домехъ своихъ.
4 Пакли бы мало числомъ было их в доме и не могли сами снести агнъца, то да прииметь к собе суседа своего, иже жи веть подле дому его, по числу душъ, ониже бы могли снести агнъца.
5 Будеть же агнець непороченъ самецъ летошний, по тому же чину возмете и козлищъ.
6 И соблюдите и до четыренадесятого дня месеца того же, и зарежеть и все множество сынов Ізраилевыхъ к вечеру,
7 и наберуть от крови его и помажуть на обоих подвоехъ и на вереахъ домовъ, в нихже будуть ести его;
8 и да ядять мясо нощи тое, печеное огнемъ, и пресные хлебы с рерюхами польными.
9 Не снесте от него что сурова ани у воде сварена, то токмо спечена огнемъ; главу с ногами его и со утробою сожрете
10 и ниже что оставите от него на утрие. Ащели же что останется, огнемъ созжете.
11 Сице же, будете ести его, бедра своя препояшете и сапози имейте на ногахъ ваших, держаще посохи в рукахъ своихъ, и ежте его со дщаниемъ, Фазе убо естъ, тое проштие Господьнеa.
12 И пойду по земли Египетской нощи тое, и побию все первороженное в земли Египетской, от человека и до скоту, и надо всеми боги египетскими вчиню отмщение, Азъ Господь.
13 Будет же кровь вамъ во знамение по домехъ, в нихже живете, и погледевъ на кровъ, мину васъ; и не будеть во васъ язва погибели, егда побию землю Египетскую.
14 И будеть вамъ день сий в памети, и святите и за празникъ Господу по народехъ вашихъ поклоном вечнимъ.
15 За седмъ дней опресноки да ясте. Во первый день да не будеть квасу в домехъ вашихъ; кто бы з васъ елъ квашеное, да загинеть душа та от людей Ізраилевыхъ, от дня перваго даже до дня седмагоb.
16 День первый да будеть святый и славный, а день седмый по тому же святити будете. Никакова дела да не делаете в нихъ, разве того, еже естъ ко снедению, и сохраните опресноки,
17 в ты бо дни выведу войско ваше из земли Египетское. И соблудите день сей в родехъ вашихъ обычаемъ вечнымъ.
18 Перваго месеца, четыренадесятого дня того же месеца, к вечеру будете ести хлебъ пресный, даже до дня двадесят и единого до вечера.
19 За седмъ дней ничто же квашеного да не знайдется в домехъ вашихъ. Кто бы елъ ква шеное, да погибнеть душа его от сбору Ізраилева, тако убо гость, яко и туземець вашъ.
20 Ничтоже кислого снесте, по всехъ домехъ вашихъ опресноки да ясте».
21 Тогда позвалъ естъ Моисей всех старейшинъ сыновъ Ізраилевыхъ и рече имъ: «Идите, въземши агнъца, по челедехъ вашихъ и вчините пасху,
22 и снопокъ іссопу омочите во кръви, еже естъ на прагу, и покропите ею вереи и оба подвоя. И никто от васъ да не выходить з дверей дому своего даже до утра,
23 понеже пойдеть Господь, бияй Египтяны, и внегда узрить кровь на вереи и на обу подвою, минет двери домовы и не допустит убивающему вниити в домы ваше и вредити.
24 Сохрани жъ слово сее законно собе и сыномъ своим навеки.
25 И внегда вниидете до земли, юже Господь Богъ дасть вамъ, якоже обещалъ естъ, соблюдете служение сее.
26 И егда бы вамъ рекли сынове ваши, что естъ за служба сия,
27 отвещайте имъ: Пасха воистинну Господьня ест, внегда идяше над домы сыновъ Ізраилевыхъ во Египте, побияя Египтянъ, а домы наша избавляя». И склонившися, людие поклонилися до земли.
28 И шедши, сынове Ізраилевы вчинили суть, якоже приказал былъ Господь Моисеови и Ааронови.
29 Бысть же ополунощи, побилъ естъ Господь весь первенець в земли Египетской — от первенъца фараонова, седящего на престоле его, даже до первенца плененное, седящее в темници, и всякъ первенец скотуc.
30 И всталъ естъ фараонъ в нощи и вси раби его, и вси Египтяне, и услышалъ крикъ великий по Египте, яко не бе двора того, в немже бы не было мертвеца.
31 И позвавъ фараонъ Моисея и Аарона в нощи и рече имъ: «Въстанте жъ а выйдите от людей Моих вы и сынове Ізраилевы, идите и молитеся Господу, якоже глаголастеd.
32 Овце ваше и говяда поимите, якоже просисте, и отходящи, благославите мене».
33 И нуждяху Египтяне людей Ізраилевыхъ, абы борздее з земли вышли, глаголюще, яко «вси изомремъ».
34 Сего деля взяша людие смоченую муку прежде воскиснения и, свезавши у локтушияe, возложиша на рамена своя.
35 И вчинили суть сынове Ізралевы, якоже заповеда Господь Моисеови, и выпросиша от Египтянъ сосудовъ сребреныхъ и златыхъ и ризъ многихъ.
36 Господь же далъ ест ласку людемъ предъ Египтяны и позычиша имъ; и облупиша Египтян.
37 А идоша сыновеf Ізраилевы з Рамеса до Сохота яко бы шестьсотъ тысещ мужевъ пешихъ, кроме детей и женъ.
38 И пристали суть к нимъ людие мнози посполитые, мужеска полу и женска, и идоша с ними. Овци теже и волы, и говяда различнаго плоду многа велми гнаша с собою.
39 И пекли суть муку, юже предъ тымъ вынесли мокрую изъ Египта, и наделаша собе подпопелныхъ хлебовъ пресныхъ, яко не можаше скиснути тесто имъ, нуждяху убо ихъ Египтяне, абы скоро вышли от нихъ, не дающе имъ никакова продолживания, и ниже дали имъ часу, да бы могли собе настроити пищи на путь.
40 Житие же сыновъ Ізраиле выхъ, еже пребыша во Египте, было естъ четыреста и четыредесят летъ.
41 И симъ сполнившимся, того жъ дня изыйде полкъ Господень из земли Египетское.
42 Нощъ сия да будеть соблюдена Господу, внегда вы веде их из зем[л]и Египетское, сию нощъ имають празновати вси сынове Ізраилевы в народехъ своихъ.
43 И рече Господь к Моисею и Аарону: «Сий обычай Пасхи да соблюдете при едении агнъца: всякъ чужоземець да не есть от него,
44 всякий же рабъ купленый да обрежется и тако да есть от него;
45 пришлець и наймитъ да не едят.
46 Во единомъ доме снесте и, и не будете мяса его выносити вонъ, и кости да не зломите от него.
47 Весь снем сыновъ Ізраилевыхъ да чинить сее.
48 Естъли же бы кто от[ъ]инудъ пришед и квашеному закону хотелъ приступити и празнова ти пасху Господьню, да обрежется первей весь мужескъ полъ дому его, по томъ слушне можеть празновати ю и будеть яко родиць земли вашее. Естъли пакъ кто необрезанъ, да не есть от нея.
49 Единаковый законъ будеть тубылцу и приходу, онже усхощеть жити с вами».
50 И вчинили сут сынове Ізраилевы по всему, якоже повеле Господь Моисееви и Ааронови.
51 И того жъ дня вывелъ ест Господь сыны Ізраилевы з земли Египетское полки своими.
a Фазе убо естъ, тое проштие, Господьне (Вульгата: Phase (id est, transitus) Domini, “Фазе (гэта значыць, абыход) Гасподні”; ЦСБ: Пасха есть Господня).
b 4 Царстваў, 23[:22].
c Псалом 134[:8].
d 1 Царстваў, 6[:6].
e у локтушия (Вульгата: in palliis, ‘у верхняе адзенне’ ; ЦСБ: въ ризы).
f Erratum: сыновеь.
Знайшлі памылку ў тэксце? Вылучыце яе і націсніце:
Ctrl + Enter
Книги Исходъ, 12 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.