Господь Богъ десятеро приказание людемъ даеть, они же убояшеся гласу Господьня. О олтари, яковый имели делати, а не воступовати по ступенех к Нему.
1 Глагола Господь вся слова сия:
2 «Азъ есмъ Господь, Бог твой, изведый тя от земли Египетское, з дому работыa.
3 Не будеши имети боговъ чужихъ предо Мною.
4 Да не вчиниши собе резания и ни уподобления, еже естъ на небеси горе и еже на земли низу, и ни тыхъ, еже суть во водахъ под землею.
5 Да не кланяешися и ни послужиши имъ, Азъ есмъ Господь, Богъ твой, силный миловникъ, отдаяй безакония отцевъ на чада до третиего и до четверътого роду ненавидящимъ Мене
6 и творяй милость надъ тысещми, любящими Мя и хранящими заповеди Моя.
7 Не возмеши имени Господа, Бога твоего, во тще, по неже не очистить от греха Богъ того, онже береть имя Господа, Бога своего, во тще.
8 Помни, абы день суботный святилъ:
9 шесть дней будеши делати и чинити вся дела своя,
10 седмаго же дня субота Господа, Бога твоего, естъ; да не соделаеши никакова дела в немъ ты и сынъ твой, и дщера твоя, рабъ твой и рабыни твоя, конь твой и весь скотъ, и гость, еже естъ во вратахъ твоихъ.
11 Въ шести убо днехъ сотворилъ Богъ небо и землю, море и вся, еже в нихъ суть, и отпочинулъ естъ в день седмый, сего ради благославилъ Господь день суботный и посвятилъ и.
12 Чти отца своего и матерь свою, да будешъ долго живъ на земли, юже Господь, Богъ твой, дасть тобеb.
13 Не убий.
14 Не любыдей.
15 Не кради.
16 Не послушествуй на ближнего своего сведечьства лжива.
17 Не помыслиши на жену его и ни пожедаеши дому ближнего своего, ни раба его, ни рабыне его, ни вола его, ни осла его и ни от всего, еликаже суть ближнего твоего».
18 Вси пакъ людие видели суть гласы, молния, звукъ трубы и гору курящуся, убояшася же, и страхомъ поражени, стояху здалека,
19 глаголюще Моисееви: «Молви ты намъ, и послушаемо, токмо да не глаголет к намъ Господь, да не помремо».
20 И рече Моисей к людемъ: «Се убо, да бы искусил васъ, прииде к вам Господь, и да бы страхъ Его былъ посреди васъ, да не согрешаете».
21 И стояху людие поодаль, Моисей же приступилъ ко мраку, в немже бяше Богъ.
22 И рече по томъ Господь к Моисееви: «Сие да глаголеши сыномъ Ізраилевымъ: Сами видесте, яко с небеси молвихъ к вамъ.
23 Не будете делати боговъ сребреныхъ и ни богов златых наделаете собе.
24 Олтарь з земли учините Мне и принесете на немъ всесозжения и требы мирныя ваше, овце ваше и волы. На всякомъ месте, на немже будеть паметовано имя Мое, Азъ прииду к тобе и благословлю тя.
25 Естъли же олътарь каменный учиниш Мне, то не будеши его делати с каменя тесаного, понеже воздвигнеш ли железо на нь, осквернен будетьc.
26 Не будеши воступовати по усходе ко олтарю Моему, да не обнажится срамота твоя.
a Псалом 80[:11].
b Прытчы, 20[:20]; Ісуса, сына Сіраха, 3[:2-14]; Другі Закон, 7[:11]; 3 Царстваў, 6[:12].
c Другі Закон, 27[:5-6]; Ісуса, сына Нава, 8[:30-31].
Знайшлі памылку ў тэксце? Вылучыце яе і націсніце:
Ctrl + Enter
Книги Исходъ, 20 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.