Исходъ 19 Исходъ 19 разьдзел

¹ Месеца же третиего по выштии сынов Ізраилевых з земли Египетское, дня перваго придоша в пустыню Синай,

² рушившися убо от Рафидима и пришедши даже до пустыни Синай, ополчишеся на том месте; и ту людие Ізраилевы розбиша шатры своя подле горы.

³ Моисей же взыйде на гору Божию, и возвал его Господь з горы и рече: «Сие глаголи дому Яковлю и поведь сыномъ Ізраилевымъ:

⁴ Сами видесте, елика сотворих Египтяном и яко несох васъ на крилех орловыхъ и пригорънух к Собе.

⁵ Сего для, послушаете ли гласа Моего и сохраните ли заповеди Мои, то будете Ми в люди особливые со всех народовъ, Моя убо ест вся земля,

⁶ и вы будете мне царство жреческое и языкъ святый. — Сия слова да глаголеши сыном Ізраилевым».

⁷ Пришедъ же Моисей и созвалъ всехъ старейшин людей и поведа имъ вся слова, еже повеле ему Господь.

⁸ Отвещаша же вси людие купно, глаголюще: «Все, еже повеле Господь, вчиним». И внегда донесе Моисей слова людей к Господу,

⁹ рече к нему Господь: «Се, Азъ ныне прииду к тобе во мраце облачном, да слышать мя людие, глаголюща с Тобою, и да веру имуть Тобе во веки». И поведилъ ест Моисей слова людей предъ Господемъ,

¹⁰ Он же рече к нему: «Иди ж к людемъ и посвяти их днесь и утро, да исперуть ризы своя

¹¹ и будуть готови ко дню третиему, въ день убо третий ступить Господь предо всеми людми на гору Синай.

¹² И положиши пределы людем около горы и речеши к нимъ: Блюдитеся, абы есте не вступовали на гору и ни дотыкалися концевъ ея, всякъ убо, онже доткнется горы, смертию да ум[р]еть;

¹³ не приимется руками, но камениемъ убиется или стрелами устрелится; либо скотина, либо человекъ живъ не будеть. Егда же начнеть трубити труба, тогда да воступять на гору».

¹⁴ И снииде Моисей з горы к людемъ и посвятилъ их. А внегда сопрали ризи своя,

¹⁵ рече к нимъ: «Будте жъ готови ко дню третиему и не прилучайтеся к женамъ вашимъ».

¹⁶ И внегда пришолъ третий день и бысть ко свету, и се почали слышаны быти гласы громовыя и блискание молния и облакъ прегустый прикривати гору, трубение теже трубы более и более розмагашеся. И бояшеся людие, иже беша в полцехъ,

¹⁷ внегда изведе их Моисей во стретение Господа Бога от шатров, и стояху под горою.

¹⁸ Вся пакъ гора Синай куряшеся, понеже сошелъ былъ на ню Господь во огни. И выступо ваше дымъ с нея, якобы из пещи, и была естъ вся гора грозна,

¹⁹ и звукъ трубы помалу ся розмагалъ и более гласилъ и должей ся протягивалъ. Моисей глаголаше, а Господь отвещаваше Ему.

²⁰ И снииде Господь на гору Синай, на самый верхъ горы, и позвалъ Моисея на верхъ ея. И внегда взойде тамо,

²¹ рече к нему: «Снииди и загрози людемъ, да не приступують ко концу горы, хотящи видети Господа, да не погибнеть з нихъ множество велие.

²² Жерци теже, кои имають приступити к Господу, да ся посвятять, да не побиеть их».

²³ И рече Моисей к Господу: «Не возмогуть людие взыйти на гору Синай, Ты убо засвидетелствовалъ и заказал, глаголя: Положи пределы около горы и посвяти их».

²⁴ К нему же рече Господь: «Иди жъ и снииди, а взойдеши ты и Ааронъ с тобою, жерци пакъ и людие да не преступають пределов и не восходять к Господу, да не побиеть ихъ».

²⁵ Тогда снииде Моисей к людемъ и споведа имъ вся словеса сия».