Исходъ 37 Исходъ 37 разьдзел

¹ Вделал же Везелеилъ и скриню от древа сефим, еяже должиня была полтретя локтя и ширина полтора локтя, и вышиня полтора ж локтя.

² И оковал ю златом внутръ и зовнутръ, и вчинилъ над нею венець златый вооколо,

³ сливъ четыре колца златы к четырем угломъ ея: два колца на стране единой, а два на другой.

⁴ Жердъкы пакъ уделал з древа сефим и оковалъ е златом,

⁵ и вложил до колець, еже были по боцехъ скрини к ношению ея.

⁶ Учинилъ и доску очищения, то ест молитовницу, от злата пречиста, полутретяa локтя вдолжъ и полутора наширь.

⁷ Два теже херувимы з злата кованого, ихже поставилъ со обу страну молитовници:

⁸ херувимъ единъ при верху страны единое, а херувим другий при верху страны второе, обадва херувима при обоих концехъ молитовнице,

⁹ протяжена имеюща крила и храняще молитовницу, на ся купно и на ню гледяще.

¹⁰ Вделал и столъ з древа сефимъ, дву локот в должиню и локтя в шириню, а полутору локтей во вышиню,

¹¹ и оковалъ и златом чистым, и вделал ему обрубу злату вооколо и той обрубе венець златый ритый,

¹² четырех перстов, и над тым другий венець златый.

¹³ Слилъ и четыри колца златы, еже прибил ко четырем ногам, едино при каждой нозе стола, подъ обрубою,

¹⁴ и провлече до них жердъки, абы столъ могъ ношен быти.

¹⁵ Тыи теже жердъки вделал з древа сефим и оковалъ их златом.

¹⁶ И поделал сосуды к разноличным потребам стола, ко искушению приносовъ чаши и кубки, и кадилнице от злата чиста, в нихже приношахуся требы мокрии.

¹⁷ Учинил и светилникъ кованый от злата чиста, изъ егоже столпъца прутие, чаши, кружки и кветие выхожали,

¹⁸ шесть на обоемъ боку: три пруты на стране единой, а три на другой;

¹⁹ три чаши, подобны ореху, на пруте едином, кружкове посполу и кветове, и три чаши, подобны ореху, на пруте другом, кружкове посполу и кветове — единостайное дело было ест всехъ шести прутовъ, еже выхожали [с] столпъца светилникова.

²⁰ На самом же столпъци были суть четыре чаши, подобны ку ореху, и кружкове межи ими и кветове,

²¹ и кружкове подъ пруты на трехъ местехъ, от нихже вкупе шесть прутовъ выходящих с столпъца единаго.

²² И тако все то вчинил от злата чиста кованого.

²³ Вделал и светил седмъ со утиралы огарковъ их и с сосуды, в нихже огаркове ся гасили, от злата пречиста —

²⁴ сто фунтовъ злата важилъ светилник со всими приправами его.

²⁵ Учинилъ и олтарь, на немже кадяху з древа сефим, онже имеаше на четыре страны по единомъ локти и во вышиню два локтя, з негоже угловъ выходили суть четыри рогове.

²⁶ И оковал и златом златомъ чистымъ, дно с боками и с роги, и вделал над ним венець златый вооколо

²⁷ и две колце златы подъ венцем при каждом боку, да провлачаються до них жердкы, ими же олтарь абы могъ ношен быти.

²⁸ Тые пак жердки поделал з древа сефим и оковалъ е златом.

²⁹ Сложил и олей к посвящению, и фимиан ко кажению з речей добровонных делом апотекарским.