Моисея Господь Богъ послалъ до Египта со троимъ знаменемъ; Аарона, брата его, далъ ему помощника. От[ъ]иде от Етра, т[е]стя своего; на пути ангела споткал; сына обрезал. Ааронъ стретил его, и созваша людей.
1 Отвеща Моисей и рече: «Не уверять мне и ни послухають гласа моего, но рекуть, яко: “Не явися тобе Господь!”»
2 И рече к нему Богъ: «Что естъ то в руце твоей?» Отвеща к нему: «Жезлъ».
3 И рече Господь: «Поверзи на землю». Поверзе, и обратися во змию, тако иже утекаше Моисей от нея.
4 И рече Господь: «Протягни руку свою и хопи за хвостъ ея». Протягнулъ и хопилъ, и обрачена естъ в жезлъ.
5 Рече к нему: «Се вчинихъ, да веру имуть, яко явися тобе Господь, Богъ отцевъ твоихъ, Богъ Авраамовъ, Богъ Ісааковъ, Богъ Яковлевъ».
6 И рече паки Господь: «Вложи руку твою до лона своего». Он же егда вложилъ до лона, и вынялъ ю прокаженну, яко снегъ.
7 И рече: «Вложи ж паки руку свою до лона своего». И вложилъ, а опять вынялъ, и была подобна телу иному.
8 Рече: «Не поверять ли тобе и не послухают ли речи знаменя первшего, то уверять словом знаменя втораго.
9 Пакли бы еще ани обоему сему чудеси уверили и ни послушали гласу твоего, набери воды з реки и вылий ю на землю, и все, елико ж будеши брати з реки, обратится во кровь».
10 Рече Моисей: «Молю Ти ся, Господи, не есмъ речи пространое от вчерашка и от третиего дня, и яко жъ еси промолвилъ ко рабу Своему, шепетливого и негибкого языка есмъ».
11 Рече к нему Господь: «Кто вчинилъ естъ уста человеку? Или кто создалъ нема и глуха, видяща и слепа? Не всех ли Азъ?
12 Сего деля иди, и Азъ буду во въстехъ твоихъ, и навчю тя, еже имаши глаголати».
13 Тогда рече Моисей: «Прошу Тебе, Господи, пошли, егоже послати имашъ».
14 И разгневался Господь на Моисея, и рече: «Ааронъ, братъ твой, с поколения Леввиеваa, вем, иже той естъ вымолвный. Се изыйдеть онъ во стретение тобе, и узревъ тебе, потешенъ будеть въ серъци своем.
15 Глаголи ж к нему и вложи слова Моя во вста его, и Азъ буду во встехъ твоих и во встех его, и покажу вамъ, что чинити имаете.
16 И той глаголати начнеть от тебе к людемъ, и будеть уста твоя. Ты пакъ будеши ему объявляти вся, еже ко Богу прислушать.
17 Жезлъ теже сий возми в руку свою, имъ убо чинити будеши чюдеса».
18 И иде оттоле Моисей ко Етруb, тестю своему, и рече к нему: «Пойду и навращуся ко братии своей до Египту, да поглежу, еще ли живи суть». К нему же рече Етро: «Иди с миромъ».
19 Тогда глаголалъ естъ Господь к Моисею в земли Мадиамли: «Иди и навратися во Египетъ, изомроша бо вси, ищущие души твоея».
20 И такъ взял естъ Моисей жену свою и сыны своя и воссажалъ их на ослы, и навратися до Египта, несяй жезлъ Божий в руце своей.
21 Рече же ему Господь, внегда навращевашеся до Египта: «Гледи ж, абы вси чудеса, еже дахъ в руце твое, чинил предъ фараоном. Азъ затвержу серце его и не отпустить людей.
22 Будеши пакъ молвити к нему: “Сие глаголет Господь: Сын Мой первенець естъ Ізраиль.
23 И рекох тобе: Отпусти сына Моего, да Ми помолится. И не хотелъ еси отпустити его; се Азъ убию сына твоего первороженънаго”».
24 И внегда былъ на пути, на стану, стретился с нимъ Господь и хотелъ убити и.
25 И взяла скоро Семъфора преострый кремень и обрезала конечную плотc сына своего, и кинула на ноги его, и рекла: «Женихъ крови ты мне еси!»
26 И от[ъ]иде от него потомъ, егда рекла естъ: «Жених крови ты мне есь», для обрезывания.
27 И рече Господь ко Аарону: «Изыйди на стретение Моисееви в пустыню». Той же иде во стретение ему на гору Божию, и поцаловастася.
28 И поведа Моисей Ааронови вся словеса Господьня, для чего послал его, и чудеса, еже чинити повелелъ ему.
29 И приидоша посполу до Египта, и созваша всехъ старейшинъ сыновъ Ізраилевыхъ,
30 и поведа Ааронъ вся слова, еже глаголалъ естъ Господь к Моисееви, и делалъ чюда предъ людми.
31 И увериша людие, и возрадовашеся, о томъ слышаще, яко наведил Господь сыны Ізраилевы и возрелъ на терпение ихъ; и наклонившеся, вси падоша на землю предъ Нимъ.
a Ісуса, сына Нава, 24[:5].
b Етро — ВБ: Jetro, Вульгата: Jethro, АБ: Іофору.
c Ісуса, сына Нава, 5[:2-8].
Знайшлі памылку ў тэксце? Вылучыце яе і націсніце:
Ctrl + Enter
Книги Исходъ, 4 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.