Господу Богу посвятиша сынове Ізраилевы все первороженное. Поколе имели поживати пресного хлеба и яко шли путем изъ Египта, вземши кости Іосифовы, имеющи пред собою облак и столпъ огняный.
1 Тогда рече Господь Моисееви:
2 «Освяти Ми все первороженное, отверзающи утробу во сынех Ізраилевых, тако от людей, яко и от скота, понеже Моя суть вся».
3 И рече Моисей к людемъ: «Паметайте день той, в онже выйдосте изъ Египта, з дому работного, рукою бо силною изведе вас Господь з места того. Да не ясте квашенаго хлеба:
4 днес исходите месеца новыхъ плодовъ.
5 Сего ради егда уведеть васъ Богъ до земли Хананея, Хеттея, Аморея, Еввея и Евузея, о нейже клялся естъ отцем вашим — дати вамъ землю, текущу млекомъ и медом, — святити будете тым-то обычаемъ празникъ месеца сего:
6 седмъ дней да ясте опресноки, и в седмый день будеть празникъ Господень.
7 Пресные хлебы да ясте по всю сию седмъ дней, да не будеть у васъ что квашеное и по всехъ пределехъ вашихъ.
8 И будете по ведати сыномъ вашимъ, глаголюще: Сее естъ, еже учинилъ намъ Господь Богъ, егда выхожахом изъ Египту.
9 И будеть якобы знамя на рукахъ вашихъ и якобы паметь пред очима вашима, абы законъ Господень всегда былъ во встехъ вашихъ, рукою убо крепкою вывелъ васъ Господь изъ Египта.
10 Соблюдете уставу сию часу вырченого от года и до года.
11 И внегда уведеть васъ Господь в землю Хананейску, якоже слюбилъ естъ вамъ и отцемъ вашимъ, и дасть ю вамъ,
12 отделите все, отверзающее утробу, Господеви и все первороженное от стадъ вашихъ. И елико же имети будеш самцевъ, осветиши их Господу:
13 первороженець осляти измениши овцею, пакли же не выкупишъ, то убиешъ, весь же первнець человечий от сыновъ твоих ценою искупишъ.
14 Внегда бы пакъ пыталъ тебе сынъ твой потомъ, чему естъ сее, отповеси ему: Рукою силною вывел нас Господь из земли Египетс[к]ое от дому работного,
15 понеже егда ожесточе серце фараоново и не хотелъ отпустити насъ, избилъ естъ Господь все первороженъное в земли Египетской, о первенъца человеческа даже и до первенца скоту. Сего деля покладаю предъ Господемъ все, отверзающее утробу, мужеска полу, и вся первороженная сыновъ моих искупляю.
16 Сего ради да бу деть сее, якобы знамя на руце твоей и якобы завешеное что на паметь предъ очима твоима прото, иже рукою крепкою выведе нас Господь изъ Египта».
17 Егда пакъ выпустилъ былъ фараонъ людей Ізраилевыхъ, не велъ их Господь путемъ по земли Филистымской, еже близъ бяше, да некогда раскаялися б людие, узревши рать на ся, и навратилися б до Египта,
18 но поведе их путемъ по пустыни, иже естъ подле Чермнаго моря; и вооружившися, изыдоша сынове Ізраилевы з земли Египетское.
19 Взялъ естъ теже Моисей кости Іосифовы с собою, понеже клятвою былъ заклял сыны Израилевы, глаголя: «Наведить вас Господь Богъ, выне сите жъ кости мое отселе с собою».
20 Воздвигшеся же сынове Ізраилевы от Сохота, розбили суть шатры своя у Гетане, при последних кончинахъ пустыни.
21 Господь же идяше пред ними, показуя путь во дни столпомъ облачнымъ, а в нощи столпомъ огненымъ, да бы былъ вожемъ обоего часу.
22 И не оскуде столпъ облачный во дни и ни столпъ огненый в нощи предъ людьми.
Знайшлі памылку ў тэксце? Вылучыце яе і націсніце:
Ctrl + Enter
Книги Исходъ, 13 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.