Етро, тесть Моисеевъ, прииде к нему со женою и съ сынми и добрую Моисееви раду далъ, яко имел людей справовати не сам, но с мудрыми людми.
1 Егда же услышалъ сие Етро, жрець Мадиамский, тесть Моисеовъ, все, еже вчинил Господь Моисееви і людемъ своимъ, Ізраилю, яко вывелъ естъ Господь Ізраильтянъ изъ Египта,
2 поялъ Сефору, жену Моисееву, юже отослал былъ,
3 и два сына его: имя единому — Герсонъ, понеже отець былъ реклъ: «Гостемъ есмъ был в земли чужей»,
4 а имя второму — Елиазаръ, яко рече: «Богъ отца моего, помощникъ мой, избави мя от меча фараонова».
5 Тогда прииде Етро, тесть Моисеевъ, сынове его и жена его во пустыню к Моисееви, игдеже с людми бяше, подле горы Божия,
6 и въсказалъ к нему, глаголя: «Се азъ, Етро, тесть твой, иду к тобе, и жена твоя, и два сыны твое с нею».
7 Вышед же Моисей во стретение тестю своему и поклонися ему, и целова и. И здоровастася вкупе словы мирными. И внегда вошли до стану,
8 поведа Моисей тестю своему все, еже сотвори Господь фараонови и Египтяномъ для людей Ізраилевыхъ, и весь трудъ, еже имеаху на пути, и яко избавилъ естъ их Господь.
9 Радова же ся Етро о всемъ добром, еже учинилъ былъ Господь Богъ людемъ Ізраилевым, яко изторгнулъ е от руку Египетскихъ,
10 и рече: «Благославенъ Господь, Онже избавилъ васъ з руку Египтянъ и от руку фараоновыхъ и выведе люди своя с неволи египетское.
11 Ныне познахъ, яко велий естъ Господь надо вси боги, понеже горде чиняху над ними».
12 Тогда принесе Етро, тесть Моисеевъ, всесозжения и требы Господеви. И приидоша Ааронъ и старейшины сынов Ізраилевых ясти хлебъ с нимъ предъ Господемъ.
13 И бысть по семъ второго дня, сяде Моисей судити людей, ониже сташа пред Моисеом от утра и до вечера.
14 Сия внегда узрелъ Етро, тесть его, яже чиняше Моисей з людми, рече к нему: «Что ты сее чиниши з людми? Почто самъ единъ седиши, а вси люди стоять пред тобою от утра даже до вечера?»
15 Отвеща к нему Моисей: «Приходять ко мне людие, вопрошающе суда Божия,
16 и внегда бываеть межи некоими пря, тии приходять семо, да быхъ россудилъ их и проповедилъ приказания Божия и суды Его».
17 Тогда рече Етро: «Недоброе дело чинишъ
18 и безумнымъ трудомъ казитеся и ты, и людие сии, еже с тобою суть. Надъ силу твою естъ праца сия, и не возможеши самъ понести ея,
19 но послушай словъ моихъ и рады моея и будеть Господь с тобою: буди ты людемъ в тыхъ речахъ, еже к Богу прислушають, да носиши слова их к Нему,
20 и повеси людемъ законъ от Бога и чинъ служебности Его, и путь, имже пойдут, и дела, яже вчинять.
21 А вы бери со всих людей мужей мудрыхъ и богобойныхъ, при нихже бы была правда, а не любящихъ мьзды, и постави с нихъ воеводы и сотники, и пятдесятники, и десятники,
22 ониже да судять людей по вся часы. И что бы было трудного и великого, да приносять пред тя, сами же дела простая а меншая толико да судять, и будеть легчее тобе, внегда бремя розделится промежи иныхъ.
23 Учиниш ли дело сее, то наполниши по веления Господня и будеши мощи служити ему, и вси людие сии навратятся в домы своя с миромъ».
24 Сия слова услышавъ, Моисей вчинилъ все, якоже порадилъ ему Етро,
25 и выбравъ мужей силныхъ а вдатных со всехъ сыновъ Ізраилевыхъ, и поставилъ с них князей надъ людми и воеводы, и сотники, и пятьдесятники, и десятники,
26 ониже судили людей Господьних по вся часы и все, еже было трудно и велико, вносили пред Моисея, сами толико дела простая и легкая судяще.
27 И отпустил ест Моисей тьстя своего, онже навратися и отыйде в землю свою.
Знайшлі памылку ў тэксце? Вылучыце яе і націсніце:
Ctrl + Enter
Книги Исходъ, 18 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.