Повсташа людие на Аарона без Моисея и слиша теля златое и поклонишеся ему. О гневе Божием, о молитве Моисееве, о розбитии доскъ и скажении телца.
1 Видечи же людие, яко умешкалъ естъ Моисей сниити з горы, собравшеся на Аарона и рекоша: «Востани и вделай намъ боги, ониже да идуть пред нами! Моисею убо, мужу тому, иже вывелъ насъ з земли Египетское, не вемы что ся пригодило»
2 И рече к нимъ Ааронъ: «Возмите серязи златыи изъ ушию женъ, сыновъ и дщеръ вашихъ и принесите ко мне».
3 И вчиниша людие, якоже повеле имъ, и снесоша серези ко Аарону.
4 Он же, внегда взялъ от нихъ, вчинилъ зразъ, яко чинять и сливатели, и вделалъ имъ телець слианъ. И рекоша: «То суть бози твои, Ізраилю, иже вывели тя з земли Египетское».
5 Сие егда узрелъ Ааронъ, вчинил требник пред ним и проповедателем вопиати повеле, глаголя: «За утра празникъ Господень ест».
6 И вставши рано, принесоша всясозжения и требы мирныя. И сядоша людие ясти и пити, и восташа играти.
7 Тогда рече Господь Моисееви, глаголя: «Сниди скоро, согрешиша убо людие твои, ихже вывел еси з земли Египетское,
8 снийдоша с пути борзо, иже показа имъ, и вчиниша собе теля слито и поклонишеся, и жертвы приносяще ему, глаголаша: “Сии суть бози твои, Ізраилю, иже вывели тя з земли Египесткое!”»
9 И паки рече Господь к Моисееви: «Вижу Азъ, яко людие сии твердошийни суть.
10 Пусти Мя, да розгне вается ярость Моя на нихъ и погублю их, тебе же вчиню в народъ велик».
11 Моисей пак молися Господу, Богу своему, глаголя: «Почто, Господине, гневается ярость Твоя на люди Своя, ихже вывелъ еси з земли Египетское рукою силною и мышцею высокою?
12 Да не рекут Египтяне: “На лщах изведе их,a погубити хотя на горахъ и потребити от земли”. Укроти гнев Свой и буди милостивъ о неправдах людей Своих!
13 Воспомяни Авраама, Исаака и Ізраиля, рабы Своя, имже клялся есь Самъ Собою, глаголя: Розмножу племя ваше, яко звезды небесные, и всю землю сию, о нейже рекохъ, дамъ племени вашему, и владети будете ею всегда».
14 И укротися гнев Господень, и не вчини злого, еже глаголалъ естъ на люди Своя, Ізраиля.
15 И навратися Моисей з горы, несяй две досце Све дения в руках своихъ, пописаны на обу странахъ
16 и созданы деломъ Господнимъ, писмо теже Божие было естъ вырито на доскахъ.
17 Услышав же Ісусъ, сынъ Наввинъ, гукъ людей вопящихъ, рече к Моисею: «Вопль ратный слышу в полцехъ».
18 Отвеща ему Моисей: «Не естъ гласъ понюкающихъ к бою и ни крикъ повелевающихъ бежати, но гласъ поющихъ азъ слышу».
19 И внегда приближашеся к полкомъ, узрелъ телець и корогоды. И раз[г]невався превелми, верже з руку своихъ обе досце и зламалъ е при самой горе.
20 И похопив телець, еже были вчинили, спалилъ и стеръ даже на прахъ и высыпалъ и до воды, и далъ з него пити сыномъ Ізраилевымъ.
21 И рече ко Аарону: «Что учинили суть тобе людие сие, яко возвелъ еси на них грехъ претяжкий?»
22 К нему же отвеща Ааронъ: «Не гневайся, господине мой, веси убо самъ, иже людие сие наклонены суть ко злому.
23 Глаголаша ко мне: “Вделай намъ боги, иже пойдуть пред нами, понеже тому Моисееви, онже вывелъ насъ з земли Египетское, не вемы, что ся пригодило”.
24 К ним же рекохъ: “Кто з васъ имать злато?” Они же принесли и дали мне, и вовергохъ во огнь, и вылился телець сей».
25 Видя же Моисей людей, иже быша обнажены, яко обобралъ былъ их Аарон для срамоты сквернавы и посреди враговъ нагих ихъ поставилъ,
26 и стоя во вратахъ полковъ, рече: «Естъ ли кто Господень, да прилучится ко мне». И збегошеся к нему вси сынове Леввиевы,
27 к ним же рече: «Сие глаголеть Господь, Богъ Ізраилев: Да возмет мужъ мечь в руце свое и да идеть и возвратится от вратъ единыхъ даже до другихъ посреди полковъ, и да убиет единый каждый брата своего и приятеля, и друга своего».
28 И вчинили суть сынове Леввиевы по словеси Моисееву; и паде в той день от людей якобы двадесеть и три тысещи мужъ.
29 И рече Моисей: «Посвятисте руце свое днесь Господу единый каждый во сыну своемъ и во брате своемъ, и дасться вамъ благославение».
30 Внегда пакъ было другаго дня, рече Моисей к людем: «Согрешисте грехом превеликимъ, ныне же возыйду къ Господу и помолюся о гресе вашемъ».
31 И навратився, рече к Господу: «Молю Ти ся, Господи мой, согрешили суть людие сие грехомъ претяжкимъ, яко вчинили были собе боги златы.
32 Ныне же отпусти имъ грехъ сей; аще ли ни, то выглади мя с книгъ Своих, еже написалъ есь».
33 Отвеща ему Господь: «Кто согрешилъ предо Мною, того выглажу с книгъ Моихъ.
34 Ты пакъ иди и веди людей сихъ каможе повелехъ тобе. Се ангелъ Мой пойдеть предъ тобою. Азъ же в день помсты навежу и сей грехъ их».
35 И поби Господь людей греха деля телча, егоже вчинил ест Аарон.
a На лщах изведе их (Вульгата: callide eduxit eos, ‘лоўка/хітра іх вывеў’; ЦСБ: съ лукавствомъ изведе ихъ).
Знайшлі памылку ў тэксце? Вылучыце яе і націсніце:
Ctrl + Enter
Книги Исходъ, 32 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.