Дело требника меденаго, на немже приношаху всясозжения, и умывалници, и притвора являеть.
1 Вделал теже требник ко приношению жерътвы з древа сефимъ, пяти локтей на вси четыре страны и три локти во вышиню,
2 рогове изъ углов его выхожали, и оковал и дощками медеными.
3 И к потребам его наделал сосудов разноличных з меди: скаврадокъ, клещей, удиц кухонныхъ, крюковъ и чим бы ся огонъ брати моглъ,
4 и крату его, подобну к сети, медяну, и под нею, во средине требника, огнище.
5 И слил четыри колца медяныхъ, и прибилъ едино на кождом боку требника, абы вложены были до них жердки к ношению его,
6 еже вделал з древа сефим, и оковал е досками медеными,
7 и провлече до колець, еже беша на боцех требника; той пак требник былъ естъ внутри дирявый и празный.
8 Вделал и умывалницу медяную с подставкою ея и з зерцадлы женскими, ониже бдяху при дверех Храму Сведения.
9 Учинил и притвор, на егоже полуденной стране были опоны со лну белого пресукиваног[о], локтев сто;
10 столпов медяныхъ двадесеть с подставками их; маковице пакъ столпов и вси ритины ею были оделаны сребром.
11 По тому же и ко стране полуночной:
опоны, столпы, подставки и маковице их единостайного дела и меры были суть.
12 На той пакъ стране, еже зрить к западу, были опоны пятидесяти локтей, столповъ десеть с подставками медеными, маковице же их и рытины были посребрены.
13 А противу усходу пятидесяти локтевъ приправил опоны.
14 А от нихъ пятнадесеть локотъ една держала страна и столъпы три, и подставки их;
15 по тому же и на другой стране пятнадесети локотъ были опоны, столпы три, подставковъ толико ж, яко посреди того вхожение до притвора двадцети локот вчинил ест.
16 Вси пак опоны притвора были суть сотканы со лну белого пресукиваного,
17 а подставки столповъ были медяны, маковице же их с ритинами своими посребрены; к тому и столпы храму сребром оковалъ.
18 И куды входили до притвора, вчинил опону делом вышиваным от злата тягненаго, шолку синего и черчетаго, двакрать крашенаго, и со лну белого пресукиваного, онаже была ест двадцети локотъ в должиню и пяти локтей во вышиню, по мере всехъ иныхъ опонъ притвора.
19 Столпы пакъ, куды до притвора входили, были суть четыре с подставками своими медеными, а маковице их и ритины сребрены.
20 Колейко же храму и притвору слил медяное.
21 То суть приправы Храму Сведения, еже выличены по повелению Моисееву ко служению Леввиевъ рукою Іфамара, сына Аарона-жерца,
22 ихже Везелеилъ, сынъ Уровъ, сына Гурова от племеня Іудина на повеление Господьне, еже росказалъ Моисеемъ, доконал,
23 принем к собе за товариша Олиава, сына Ахисамехова от племеня Данова, понеже и той мастеръ избранный бе на всяко дело, еже от древа, злата, сребра, шолку и льну ко вышивании взоров.
24 Всего злата, еже ест выдано на дело Святыни, иже принесоша людие в дарехъ, было двадесеть и девет талентъ — седмъ сотъ и тридесеть сиклевъ по вазе Святыни.
25 Дано пак естъ от тыхъ, ониже идоша к попису, еже быша от двадцети лет и вышей, от шестисотъ тысещей от трехъ тысещей от пятисотъ и от пятидесятъ воинъ.
26 И к тому было естъ сто талентъ сребра, с негоже сливали суть подставки Святыни и вхожения того, игде завеса висела.
27 Сто подставковъ уделано было со ста талентъ сребра, единъ талентъ на каждую подъставку считаючи.
28 С тысещи пакъ и с седмисотъ и с седмидесяти и пяти сиклев сребра оковал маковице столповъ.
29 Меди же принесоша талентовъ седмъдесятъ и два тысеща, и над то четыреста сиклев,
30 з неяже слили суть подставки, игде входят до храму, и требник жертовный со огнищем своим и со всими сосуды его,
31 подставки притвора вооколо и у дверехъ его, колейко теже храма и притвора.
Знайшлі памылку ў тэксце? Вылучыце яе і націсніце:
Ctrl + Enter
Книги Исходъ, 38 разьдзел
Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў. Паспрабуйце, магчыма, вы будзеце прыемна здзіўлены.
Public Domain — народны здабытак.
2022, укладальнік — Бразгуноў Алесь.